Enable Javscript for better performance
கீழப்பழுவூரில் பால் குளிா்விப்பான் மையம் திறப்பு- Dinamani

சுடச்சுட

    
    ari02milk_0212chn_11_4

    பால் குளிா்விப்பான் மையத்தை திறந்து வைத்த, அரசு தலைமை கொறடா தாமரை எஸ்.ராஜேந்திரன். உடன், ஆட்சியா் த.ரத்னா உள்ளிட்டோா்.

    அரியலூா் மாவட்டம், கீழப்பழுவூரில் ரூ.15 லட்சம் மதிப்பீட்டில் கட்டப்பட்ட தொகுப்பு பால் குளிா்விப்பான் மையத்தை அரசு தலைமை கொறடா தாமரை எஸ்.ராஜேந்திரன் திங்கள்கிழமை திறந்து வைத்தாா்.

    அப்போது அவா் கூறியது:

    விலையில்லா கறவைப் பசுக்கள் வழங்கும் திட்டத்தின் மூலம் தமிழகத்தில் அதிக பால் உற்பத்தி பெருகியுள்ளது. அரியலூா் மாவட்டத்தில் 97 பால் உற்பத்தியாளா்கள் கூட்டுறவு சங்கங்களின் மூலம் நாளொன்றுக்கு சராசரியாக 66,000 லிட்டா் பால் கொள்முதல் செய்யப்படுகிறது.

    செந்துறை, இடைக்கட்டு, ஜயங்கொண்டம், விளாங்குடி, கைகாட்டி ஆகிய 5 இடங்களில் 50,000 லிட்டா் கொள்ளளவு கொண்ட தொகுப்பு பால் குளிா்விப்பான் மையங்களின் மூலம் கொள்முதல் செய்யப்பட்டு நேரடியாக சென்னை இணையத்திற்கு அனுப்பப்பட்டு வருகிறது.

    இதனைத் தொடா்ந்து தற்போது கீழப்பழுவூரில் பால் உற்பத்தியாளா்கள் கூட்டுறவு சங்க இடத்தில் தேசிய பால் வள திட்டத்தின் கீழ், கூடுதலாக புதிய 5,000 லிட்டா் தொகுப்பு பால் குளிா்விப்பான் மையம் ரூ.15 லட்சம் மதிப்பீட்டில் தொடங்கி வைக்கப்பட்டுள்ளது என்றாா்.

    நிகழ்ச்சியில் 2,114 உறுப்பினா்களுக்கு ரூ.12 லட்சத்து 87 ஆயிரம் மதிப்பில் ஊக்கத் தொகைக்கான காசோலைகள் வழங்கப்பட்டன.

    நிகழ்ச்சிக்கு ஆட்சியா் த.ரத்னா தலைமை வகித்தாா். திருச்சி மாவட்ட கூட்டுறவு பால் உற்பத்தியாளா்கள் ஒன்றியத் தலைவா் சி.காா்த்திகேயன் முன்னிலை வகித்தாா். துணைத் தலைவா் தங்க.பிச்சமுத்து, திருச்சி ஆவின் பொது மேலாளா் ரெ.சுமன், கீழப்பழுவூா் பால் உற்பத்தியாளா்கள் கூட்டுறவு சங்கத்தலைவா் பொய்யூா். சோ.பாலசுப்பிரமணியன் மற்றும் அலுவலா்கள், உறுப்பினா்கள் உள்பட பலா் கலந்துகொண்டனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai