ஜயங்கொண்டம் அருகேயுள்ள நைனாா் ஏரி ஆய்வு

அரியலூா் மாவட்டம், ஜயங்கொண்டம் அருகே கழுவந்தோண்டி கிராமத்தில் உள்ள நைனாா் ஏரியை மாவட்ட ஆட்சியா் த. ரத்னா புதன்கிழமை ஆய்வு செய்தாா்.

அரியலூா் மாவட்டம், ஜயங்கொண்டம் அருகே கழுவந்தோண்டி கிராமத்தில் உள்ள நைனாா் ஏரியை ஆய்வு செய்த மாவட்ட ஆட்சியா் பின்னா் செய்தியாளா்களிடம் தெரிவித்தது:

நைனாா் ஏரியில் தடுப்பணை கட்டுவது மற்றும் வாய்க்காலைக் கடந்து செல்ல பாலம் அமைப்பதற்கான சாத்தியக்கூறுகள் உள்ளனவா எனப் பாா்வையிட்டு, இதற்கான பணிகளை ஆய்வு செய்து நடவடிக்கை மேற்கொள்ளுமாறு சம்மந்தப்பட்ட அலுவலா்களுக்கு அறிவுறுத்தினாா்.

மேலும், மழைக் காலங்களில் ஏரியில் தண்ணீா் நிரம்பி ஊருக்குள் புகாமல் இருக்க ஏரி சுற்றுப்பகுதிகளில் தடுப்புச்சுவா் அமைப்பதற்கும், அலுவலா்களுக்கு அறிவுறுத்தப்பட்டுள்ளாா் என்றாா்.

ஆய்வின்போது,மாவட்ட ஊரக வளா்ச்சி முகமை திட்ட இயக்குநா் சு.சுந்தர்ராஜன், ஊரக வளா்ச்சித்துறை பொறியாளா் விஜயன், வருவாய்த்துறை, வளா்ச்சித்துறை அலுவலா்கள் உள்பட பலா் உடனிருந்தனா்.