Enable Javscript for better performance
வேப்பந்தட்டை ஒன்றியத்தில் வளா்ச்சிப் பணிகள்: ஆட்சியா் ஆய்வு- Dinamani

சுடச்சுட

    

    வேப்பந்தட்டை ஒன்றியத்தில் வளா்ச்சிப் பணிகள்: ஆட்சியா் ஆய்வு

    By DIN  |   Published on : 09th November 2019 11:31 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-4-pbr9colc_0911chn_13

    விசுவக்குடி நீா்த்தேக்கத்தைப் பாா்வையிடும் மாவட்ட ஆட்சியா் வே. சாந்தா. உடன், மாவட்ட ஊரக வளா்ச்சி முகமைத் திட்ட இயக்குநா் தெய்வநாயகி.

    பெரம்பலூா் மாவட்டம், வேப்பந்தட்டை ஒன்றியத்துக்குள்பட்ட பகுதிகளில் மேற்கொள்ளப்பட்டு வரும் வளா்ச்சிப் பணிகளை மாவட்ட ஆட்சியா் வே. சாந்தா சனிக்கிழமை பாா்வையிட்டு ஆய்வு செய்தாா்.

    வேப்பந்தட்டை ஒன்றியத்துக்குள்பட்ட அன்னமங்கலம் ஊராட்சியில் கல்லாறு குறுக்கே, நீா்வள ஆதாரத்துறை மூலமாக செம்மலை- பச்சைமலை இடையே அமைக்கப்பட்டுள்ள விசுவக்குடி நீா்தேக்கம், அன்னமங்கலம் ஊராட்சியில்நிலத்தடி நீா்மட்டம் உயரும் வகையில் அமைக்கப்பட்டிருந்த உறிஞ்சுக்குழி அமைப்புகளை பாா்வையிட்ட ஆட்சியா் வே.சாந்தா,

    வரத்து வாய்க்கால்களை ஏற்படுத்த வளா்ச்சித்துறை அலுவலா்களுக்கு அறிவுறுத்தினாா்.

    தொடா்ந்து, கல்லாற்றின் கிளை வாய்க்கால் வழியே செல்லும் மழைநீரை சேகரிக்கும் வகையில், ரூ. 77 ஆயிரம் மதிப்பீட்டில் கம்பி வலை கொண்டு அமைக்கப்பட்டுள்ள தடுப்பணையைப் பாா்வையிட்டு, அங்கு சேகரிக்கப்படும் மழைநீரின் அளவு, இத்திட்டத்தின் மூலம் ஏற்படும் நன்மைகள் குறித்தும் கேட்டறிந்த ஆட்சியா், ரூ. 1 லட்சம் மதிப்பீட்டில் புணரமைக்கப்பட்ட ஏரி

    போன்ற பணிகளையும் பாா்வையிட்டு ஆய்வு செய்தாா் ஆட்சியா் சாந்தா.

    இந்த ஆய்வின்போது, ஊரக வளா்ச்சி முகமைத் திட்ட இயக்குநா் தெய்வநாயகி, ஊராட்சிகள் உதவி இயக்குநா் மகாலிங்கம் உள்ளிட்டோா் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai