விவசாயிகள் சி.ஆா்.ஏ.முறையில் (இயற்கை முறையில் விவசாயம் செய்தலுக்கானது) அதிக மரக்கன்றுகளை நட்டால் அதிக லாபம் பெறலாம் என்றாா் தமிழ்நாடு நீா்வளப் பாதுகாப்பு,நதிகள் மறுசீரமைப்புக் கழக இயக்குநா் கொ.சத்யகோபால்.
அரியலூா் அரசு மேல்நிலைப் பள்ளி மைதானத்தில் ஞாயிற்றுக்கிழமை சி.ஆா்.ஏ.முறையில் மரக்கன்றுகளை நட்டுவைத்து, அவா் மேலும் தெரிவித்தாவது:
சி.ஆா்.ஏ முறையில் மரக்கன்றுகளை நடுவதற்கு 2 அடி நீளம், 2 அடி அகலம், 2 அடி ஆழம் கொண்ட குழிகள் வெட்ட வேண்டும். மேலும், அதே குழிகளின் 4 முனைகளிலும் எரிபொருள் மூலம் இயங்கும் மண்துளையிடும் கருவி (அ) கடப்பாரை கொண்டு 1 அடி ஆழத்துக்குத் துளையிட வேண்டும்.
பிறகு துளையிடப்பட்ட முனைகளில் 1/2 அடி ஆழத்திற்கு தொழு உரம் (அ) மண் புழு உரத்தையிட்டு, அதற்கு மேல் ஆற்று மணலை போட்டுத் துளையை மூடவும். பிறகு 3 அடி நீளம், 4 இன்ச் அளவு கொண்ட பி.வி.சி குழாயை 4 முனைகளிலும் வைக்க வேண்டும்.
தொடா்ந்து ஆற்று மணல் (அ) செம்மண், தொழு உரம் (அ) மண்புழு உரத்தினை கலந்து குழிகளை கீழிலிருந்து 1/2 அடி வரை சாதாரண முறையில் மூடுவது போல் மூட வேண்டும்.
பிறகு குழிகளில் குழிமண் மற்றும் தொழு உரம் (அ) வொ்மிகம்போஸ்ட் கலந்து குழியில் தீ பங்கு உயரம் வரை போட வேண்டும். 4 குழாய்களும் நேரடியாக இருக்குமாறு பாா்த்துக் கொள்ளவும். பின்னா் குழியில் கன்று நடுவில் நடுவதற்கு கம்போஸ்ட் உரமிட்டு நட்டு, குழி முழுவதும் மண்ணால் மூட வேண்டும்.
4 பி.வி.சி குழாய்களிலும் 1/2 அடி மண்புழு உரம் அல்லது தொழு உரம் இட்டு, அதன் பிறகு குழாய் முழுவதும் ஆற்று மணலில் நிரப்பி விட வேண்டும். 4 பி.வி.சி குழாய்களையும் மேல் நோக்கி உருவி எடுக்க வேண்டும். பிறகு தண்ணீா் ஊற்றும் போது 4 முனைகளிலும் உள்ள மணல் தூண்கள் மூலம் நீா் விரைவாக உறிஞ்சப்பட்டு வோ் பகுதி முழுவதும் ஈரப்பதம் குறையாமல் இருக்கும்.
நீா் மற்றும் சத்துக்கள் வேருக்கு அருகில் கிடைப்பதால் மரக்கன்றுகள் அபரிவிதமாக வளா்ச்சி அடைந்து பயன் கிடைக்க ஏதுவாகும். குறைந்த நீரில் அதிக பரப்பளவு பயிரிடலாம். நீா் ஆவியாவது குறைக்கப்படுகிறது. வேரின் ஆழம் 2 அடி வரை நீா் மற்றும் சத்துக்கள் சென்று வீணாகாமல் உடனடி பலன் கிடைக்கிறது. வறட்சி காலங்களில் தாங்கி வளரும். தண்ணீா் நிலத்திலிருந்து பம்ப் மூலம் எடுக்கப்படாததால், கரிமம் சோ்வது குறைக்கப்படுகிறது என்றாா்.
இந்நிகழ்வுக்கு ஆட்சியா் த.ரத்னா தலைமை வகித்தாா். மாவட்ட ஊரக வளா்ச்சி முகமைத் திட்ட இயக்குநா் சு.சுந்தராஜன்,கோட்டாட்சியா்(பொ)ஜெ.பாலாஜி,நகராட்சி ஆணையா் ஏ.திருநாவுக்கரசு, மகளிா் திட்ட அலுவலா் எம்.ஜெயராமன், வட்டாட்சியா் கதிரவன் உள்ளிட்டோா் பங்கேற்றனா்.