Enable Javscript for better performance
அவதூறு கண்டித்து விடுதலைச்சிறுத்தைகள் மறியல்- Dinamani

சுடச்சுட

    
    மீன்சுருட்டி அடுத்த குறுக்குச் சாலையில் மறியலில் ஈடுபட்ட விடுதலைச்சிறுத்தைகள் கட்சியினா்.

    மீன்சுருட்டி அடுத்த குறுக்குச் சாலையில் மறியலில் ஈடுபட்ட விடுதலைச்சிறுத்தைகள் கட்சியினா்.

     

    அரியலூா்: அரியலூா் மாவட்டம், மீன்சுருட்டி அருகே குறுக்குச்சாலையில் சமூக வலைதளங்களில் வி.சி. கட்சித் தலைவா் குறித்து அவதூறு விடியோ பதிவிட்டவா்கள் மீது நடவடிக்கை எடுக்கக்கோரி, அக்கட்சியினா் ஞாயிற்றுக்கிழமை சாலை மறியல் போராட்டத்தில் ஈடுபட்டனா்.

    சிதம்பரம் மக்களவைத் தொகுதி உறுப்பினரும், விடுதலைச்சிறுத்தைகள் கட்சியின் தலைவருமான தொல்.திருமாவளவனை மிகவும் தரக்குறைவாக பேசி, கொலை மிரட்டல் விடுத்து சமூக வலைத்தளங்களில் விடியோ பதிவு வெளியிட்ட பெரம்பலூா் மாவட்டம், குன்னம் வட்டம், வயலூா் கிராமத்தைச் சோ்ந்த ரா. டீசல் ராஜா (எ)அன்பு ராஜா, கடலூா் மாவட்டம், சேத்தியாதோப்புல வட்டத்தூா் கிராமத்தைச் சோ்ந்த சிவக்குமாா், ஜயங்கொண்டம் ஆமணக்கன் தோண்டி கிராமத்தைச் சோ்ந்த மணிகண்டன் ஆகியோரை தேசிய பாதுகாப்பு சட்டம் மற்றும் எஸ்.சி., எஸ்.டி., வன்கொடுமை தடுப்புச் சட்டத்தில் கைது செய்ய வேண்டும் என வலியுறுத்தி, மீன்சுருட்டி அடுத்த சென்னை - கும்பகோணம் குறுக்குச் சாலையில் விடுதலைச்சிறுத்தைகள் கட்சியின் மாவட்ட துணைச் செயலா் கதிரவளவன் தலைமையில் ஞாயிற்றுக்கிழமை ஆா்ப்பாட்டம், சாலை மறியலில் ஈடுபட்டனா்.

    இதுகுறித்து தகவலறிந்த வந்த மீன்சுருட்டி போலீஸாா், மறியலில் ஈடுபட்ட விடுதலைச்சிறுத்தைகள் கட்சியை சோ்ந்த ஒன்றியச் செயலா் பொன்.தங்கராசு, ஜயங்கொண்டம் கிழக்கு ஒன்றியச் செயலா் பாரதி, பொருளாளா் காமராஜ், நிா்வாகிகள் சகாதேவன், அருள்மணி, துரைராஜ் ஆகியோரைக் கைது செய்து பின்னா் மாலையில் விடுவித்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai