‘மாணவா்கள் தங்களது அறிவுத் திறனை வளா்த்து கொள்ள வேண்டும்’

படிக்கும் போதே மாணவ,மாணவிகள் தங்களது அறிவுத்திறனை வளா்த்துக்கொள்ள வேண்டும் என்றாா் அரியலூா் மாவட்டக் காவல் கண்காணிப்பாளா் வி.ஆா். ஸ்ரீனிவாசன்.

குழந்தைகள் பாதுகாப்பு அலகின் சாா்பில், அரியலூரில் குழந்தைகள் பாதுகாப்புத் தொடா்பாக காவல் துறையினருக்கு சனிக்கிழமை நடைபெற்ற திறன் வளா்ப்புப்பயிற்சியைத் தொடக்கி வைத்து அவா் மேலும் பேசியது:

குழந்தைகள் தற்போது உள்ள சூழ்நிலையில் அதிகளவில் செல்லிடப்பேசிகளை பயன்படுத்துகிறாா்கள். இதனை பெற்றோா்கள் கண்காணித்து அவா்களுக்கு ஆலோசனைகளை வழங்க வேண்டும்.

குழந்தைகள், பள்ளி மற்றும் கல்லூரி மாணவ,மாணவிகளுக்கு பாதுகாப்பான தொடுதல் மற்றும் பாதுகாப்பற்ற தொடுதல் குறித்து விளக்க வேண்டும்.18 வயதுக்கு உள்பட்ட குழந்தைகள் கட்டாயம் கல்வி கற்க வேண்டும். சிறுவா்களை கடைகளில் வேலைக்கு அமா்த்துவதை தவிா்க்க வேண்டும்.

பாலியல் வன்கொடுமையில் இருந்து பெண்களை காப்பற்ற முழு ஈடுபாடுடன் காவலா்கள் பணியாற்ற வேண்டும். எனவே மாணவ - மாணவிகளும் தங்களின் திறன்களை வளா்த்துக் கொண்டு, சமூகத்தில் முன்னேற்றத்தின் பாதையை நோக்கி செல்ல காவல்துறை எப்போது உறுதுணையாக இருக்கும் என்றாா் அவா்.

தொடா்ந்து நடைபெற்ற பயிற்சியில், குழந்தைத் திருமணத்தினால் ஏற்படும் பாதிப்புகள், குழந்தைத் திருமணம் குறித்து அறிந்தால் அதனை தடுத்து நிறுத்தக்கூடிய வழிமுறைகள், குழந்தைகளை பாலியல் வன்கொடுமையில் இருந்து பாதுகாக்க செய்ய வேண்டிய முறைகள் குறித்து காவலா்களுக்குப் பயிற்சி அளிக்கப்பட்டது.

அரியலூா் காவல் துணைக் கண்காணிப்பாளா் திருமேனி, குழந்தைகள் பாதுகாப்பு அலுவலா் செல்வராஜ் மற்றும் காவல் நிலைய ஆய்வாளா்கள்,உதவி ஆய்வாளா்கள் உள்ளிட்டோா் பலா் பங்கேற்றனா். முன்னதாக மாவட்ட குழந்தைகள் பாதுகாப்பு அலுவலா் வசந்தகுமாா் வரவேற்றாா்.