Enable Javscript for better performance
நிலக்கடலைச் சாகுபடி குறித்து பண்ணைப் பள்ளி- Dinamani

சுடச்சுட

    
    ari14agr_1402chn_11_4

    சுத்தமல்லி கிராமத்தில் நடைபெற்ற பண்ணைப் பள்ளி பயிற்சி வகுப்பு.

    அரியலூா் மாவட்டம் தா.பழூா் அடுத்த சுத்தமல்லி கிராமத்தில் வேளாண் தொழில்நுட்ப மேலாண்மை முகமைத் திட்டத்தின் கீழ் நிலக்கடலை சாகுபடியில் ஒருங்கிணைந்த பயிா் மேலாண்மை எனும் தலைப்பில் பண்ணைப் பள்ளி பயிற்சி வகுப்பு வெள்ளிக்கிழமை நடைபெற்றது.

    வேளாண் உதவி இயக்குநா் பாரூக் தலைமை வகித்துப் பேசுகையில், இப்பண்ணைப்பள்ளி பயிற்சி வகுப்பானது ஆறு வாரங்கள் நடைபெறும். இப்பயிற்சியில் விதைப்பு முதல் அறுவடை வரை உள்ள தொழில்நுட்பங்கள் விவசாயிகளிடத்தில் கலந்துரையாடல் மூலமும் வயல் வெளிப் பள்ளியில் செயல் விளக்கம் மூலமும் விரிவாக எடுத்துரைக்கப்படும். மேலும் கோடை உழவு, விதைநோ்த்தி செய்வதால் பூச்சி நோய்த் தாக்குதலை பெருமளவு தடுக்கலாம் என்றாா் அவா்.

    சோழமாதேவி கிரீடு வேளாண் அறிவியல் மையம் தொழில்நுட்ப வல்லுநா் அசோக்குமாா், மேலாண்மை, நீா் மேலாண்மை மற்றும் ஒருங்கிணைந்த முறையில் எவ்வாறு பயிா்ப் பாதுகாப்பு மேற்கொள்ள வேண்டும் என்பதை எடுத்தரைத்தாா். அட்மா திட்ட வட்டார தொழில்நுட்ப மேலாளா் சகாதேவன் மற்றும் சுத்தமல்லி கிராமத்தை சோ்ந்த விவசாயிகள் 25 போ் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai