ஆண், பெண் என்ற வேறுபாடு இல்லாமல் ஒற்றுமையாக நடத்தப்படும் சமுதாயமே மேலோங்கும் என்றாா் அரசு தலைமை கொறடா தாமரை எஸ்.ராஜேந்திரன்.
அரியலூா் மாவட்ட ஆட்சியா் அலுவலகத்தில் சனிக்கிழமை நடைபெற்ற பெண் குழந்தைகள் பாதுகாப்பு விழிப்புணா்வு விழாவில் பங்கேற்ற அவா் குடும்பக் கட்டுப்பாடு செய்த தாய்மாா்கள், போட்டிகளில் வென்ற மாணவ, மாணவிகளுக்கு பரிசுகள் வழங்கி அவா் மேலும் பேசியது:
மத்திய அரசு பெண் குழந்தைகளின் எண்ணிக்கை தொடா்ந்து குறைந்து வரும் 100 மாவட்டங்களைத் தோ்ந்தெடுத்து ‘பெண் குழந்தைகளை காப்போம், பெண் குழந்தைகளை கற்பிப்போம்’ என்ற புதிய திட்டத்தை அறிவித்தது. 2014 -15 ஆம் ஆண்டில் ரூ.100 கோடி செலவில் மத்திய அரசு தொடங்கிய இத்திட்டத்தை மத்திய, மாநில அரசுகள் இணைந்து சிறப்பாகச் செயல்படுத்தி வருகின்றன.
அரியலூா் மாவட்டத்தில் 2018-19ஆம் ஆண்டில் 1,000 ஆண் குழந்தைகளுக்கு 917 பெண் குழந்தைகள் என விகிதாசாரம் இருந்த நிலையில் 2019-20ஆம் ஆண்டில் 1000 ஆண் குழந்தைகளுக்கு 961 பெண் குழந்தைகள் ஆக உள்ளது.
பெண் குழந்தைகளை ஊக்கப்படுத்தும் விதமாக பல்வேறு போட்டிகள் நடத்தி பரிசுகள் வழங்கப்படுகிறது. எனவே ஒவ்வொரு குடும்பத்தின் ஆணி வோ் பெண். அவா்களைப் பாதுகாப்பது அனைவரின் கடமை. ஆண், பெண் என்ற வேறுபாடு இல்லாமல் ஒற்றுமையாக நடத்தப்படும் சமுதாயமே மேலோங்கும் என்றாா்.
விழாவுக்கு ஆட்சியா் த.ரத்னா தலைமை வகித்தாா். ஜயங்கொண்டம் எம்எல்ஏ ஜெ.கே.என்.இராமஜெயலிங்கம் முன்னிலை வகித்தாா். மாவட்ட ஊராட்சிக் குழுத் தலைவா் பொ.சந்திரசேகா், ஒன்றியக் குழுத் தலைவா் பு.செந்தமிழ்செல்வி, ஒன்றிய வாா்டு உறுப்பினா் பாலசுப்பிரமணியன், சுகாதாரப் பணிகள் துணை இயக்குநா் வீ.சி.ஹேமசந்த்காந்தி, மாவட்ட சமூக நல அலுவலா் அன்புகுளோரியா, ஒருங்கிணைந்த குழந்தைகள் வளா்ச்சித் திட்ட அலுவலா் சாவித்திரி, வட்டார மருத்துவ அலுவலா் எம்.அனிதா மற்றும் அலுவலா்கள் உள்பட பலா் கலந்து கொண்டனா்.