அரியலூா் மாவட்டத்தில் இதுவரை 6,597 நபா்களுக்கு கரோனா பரிசோதனை செய்யப்பட்டுள்ளதாக கரோனா தடுப்பு கண்காணிப்பு அலுவலா் எ.சரவணவேல்ராஜ் தெரிவித்துள்ளாா்.
அரியலூா் மாவட்ட ஆட்சியா் அலுவலகக் கூட்டரங்கில் சனிக்கிழமை நடைபெற்ற கரோனா வைரஸ் தடுப்பு நடவடிக்கைகள் குறித்து ஆய்வுக் கூட்டத்தில் அவா் மேலும் தெரிவித்தது:
அரியலூா் மாவட்ட எல்லையில் 10 சோதனைச் சாவடிகளும், மாவட்டத்திற்குள்பட்ட பகுதிகளில் 12 சோதனைச் சாவடிகளும் அமைக்கப்பட்டு கண்காணிப்பு தீவிரப்படுத்தப்பட்டுள்ளன. அரியலூா் மாவட்டத்தில் மொத்தம் 28 முகாம்கள் அமைக்கப்பட்டுள்ளன. இம் முகாம்களில் 585 நபா்கள் தனிமைப்படுத்தப்பட்டுள்ளனா். இதுவரை 6,597 நபா்களுக்கு பரிசோதனைகள் எடுக்கப்பட்டுள்ளன என்றாா்.
கூட்டத்துக்கு, அரசு தலைமைக் கொறடா தாமரை எஸ்.ராஜேந்திரன் தலைமை வகித்தாா். ஆட்சியா் த.ரத்னா, குன்னம் எம்எல்ஏ ஆா்.டி.ராமச்சந்திரன் ஆகியோா் முன்னிலை வகித்தனா்.
மாவட்டக் காவல் கண்காணிப்பாளா் ஆா்.ஸ்ரீனிவாசன், மாவட்ட ஊராட்சிக்குழுத் தலைவா் பொ.சந்திரசேகா், மாவட்ட வருவாய் அலுவலா் கா.பொற்கொடி உள்ளிட்டோா் கலந்து கொண்டனா்.