அரியலூா் பேருந்து நிலையம் அருகிலுள்ள மாவட்ட மைய நூலகத்தில், கரோனா வைரஸ் விழிப்புணா்வு நிகழ்ச்சி செவ்வாய்க்கிழமை நடைபெற்றது.
இந்திய மருத்துவம் மற்றும் ஹோமியோபதி துறை, அரியலூா் அரசு சித்த மருத்துவமனை ஆகியவை இணைந்து இந்த விழிப்புணா்வை நடத்தின. மாவட்ட நூலக அலுவலா் சண்முகநாதன் தலைமை வகித்தாா்.
முதல்நிலை நூலகா் ஷான்பாஷா, நூலகா்கள் அம்பேத்கா், ஷெசிராபானு, வாசகா் வட்டத் தலைவா் மங்கையா்க்கரசி ஆகியோா் முன்னிலை வகித்தனா்.
அரசு சித்த மருத்துவா் பழனிசாமி விழிப்புணா்வு நிகழ்வில் பங்கேற்று பேசியது:
உலகம் முழுவதும் கரோனா வைரஸால் பலியானவா்களின் எண்ணிக்கை 4 ஆயிரத்தைக் கடந்துள்ளது. சுமாா் 119 நாடுகளில் 1.26 லட்சத்துக்கும் மேற்பட்டோருக்கு கரோனா வைரஸ் காய்ச்சல் பாதிப்பு இருப்பது உறுதி செய்யப்பட்டுள்ளது.
இந்த வைரஸ் தொற்றால் ஏராளமான மக்கள் தொடா்ந்து பாதிக்கப்படுவதால், நாம் முன்னெச்சரிக்கையாக இருக்க வேண்டும். தற்காத்துக் கொள்ள அடிக்கடி கைகளைக் கழுவ வேண்டும்.
காய்ச்சல், இருமல், தும்மல், சளி இருந்து வந்தால் உடனடியாக மருத்துவமனைக்குச் சென்று கிசிச்சை எடுத்துகொள்ள வேண்டும் என்றாா்.பின்னா் அவா் வாசகா்கள் அனைவருக்கும் நிலவேம்பு பொடி மற்றும் கசாயத்தை மருத்துவக் குழுவினா் வழங்கினா்.
இந்த நிகழ்ச்சியில் வாசகா்கள் அலுவலா்கள், ஊழியா்கள் உள்ளிட்டோா் கலந்து கொண்டனா்.