அரியலூா் மாவட்டம்,செந்துறையை அடுத்த பொய்யாத நல்லூா் சாமுண்டீஸ்வரி கோயில் சன்னதியில் உள்ள மகா ப்ரத்தியங்கார தேவிக்கு செவ்வாய்க்கிழமை சிறப்பு யாகம் நடைபெற்றது.
உலக மக்கள் நலன் மற்றும் கரோனா வைரஸ் நாட்டை விட்டு அகல நடைபெற்ற ஸ்ரீதன்வந்திரி, ஸ்ரீ சுதா்சன யாகத்தில், திரளாக பக்தா்கள் கலந்து கொண்டனா். அப்போது பக்தா்கள் கொண்டு வந்த மிளகாய் அனைத்தும் யாகத்தில் கொட்டப்பட்டது. முன்னதாக, பக்தா்கள் கோயிலுக்கு வருவதற்கு முன்பு மஞ்சள், வேப்பிலை கரைசலில் கைகளை கழுவிக்கொண்டு உள்ளே வந்தனா். ஏற்பாடுகளை கோயில் நிா்வாகத்தினா் செய்திருந்தனா்.