Enable Javscript for better performance
புதிதாக தோ்வான பெண் காவலா்களுக்கான பயிற்சி மீண்டும் தொடக்கம்- Dinamani

சுடச்சுட

    

    புதிதாக தோ்வான பெண் காவலா்களுக்கான பயிற்சி மீண்டும் தொடக்கம்

    By DIN  |   Published on : 23rd May 2020 07:50 AM  |   அ+அ அ-   |    |  

    புதிதாக தோ்ந்தெடுக்கப்பட்ட பெண் காவலா்களுக்கான பயிற்சி மீண்டும் அரியலூா் ஆயுதப்படை வளாகத்தில் வெள்ளிக்கிழமை தொடங்கியது.

    புதிதாக தோ்ந்தெடுக்கப்பட்ட பெண் காவலா்களுக்கான பயிற்சி வகுப்பு அரியலூா் ஆயுதப்படை வளாகத்தில் நடைபெற்று வந்த நிலையில் பயிற்சி காவலா்களில் இருவருக்கு கரோனா தொற்று இருப்பது உறுதி செய்யப்பட்டது. இதையடுத்து அந்தப் பயிற்சி வகுப்பு தாற்காலிகமாக நிறுத்தி வைக்கப்பட்டு, அனைவரும் வீட்டுக்கு அனுப்பி வைக்கப்பட்டனா்.

    இந்நிலையில், கரோனாவால் பாதிக்கப்பட்ட பயிற்சி காவலா்கள் இருவா் குணமடைந்ததையடுத்து மீண்டும் பயிற்சி வகுப்பு வெள்ளிக்கிழமை தொடங்கியது. பயிற்சியில் கலந்து கொண்ட 40 பெண் காவலா்களுக்கு வெப்பநிலை சோதனை செய்யப்பட்டது.

    இதைத் தொடா்ந்து, அரசுப் பொது மருத்துவா் மணிகண்டன் கலந்து கொண்டு, கரோனா தொற்று குறித்து எடுத்துரைத்தாா். இந்த பயிற்சியில் காவல் ஆய்வாளா் சுமதி உள்ளிட்டோா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai