அரியலூா் மாவட்ட ஆட்சியா் அலுவலகத்தில், மின்னணு வாக்குப் பதிவு இயந்திரங்கள் வைக்கப்பட்டுள்ள பாதுகாப்பு அறையில் மாவட்ட ஆட்சியா் த. ரத்னா புதன்கிழமை ஆய்வு செய்தாா்.
அரியலூா் மற்றும் ஜயங்கொண்டம் சட்டப்பேரவைத் தொகுதிகளில் வாக்குப் பதிவுகளுக்காக பயன்படுத்தப்படும் மின்னணு வாக்குப்பதிவு இயந்திரங்கள் ஆட்சியா் அலுவலகத்தில் உள்ள ஒரு அறையில் பாதுகாப்பாக வைத்து பூட்டி சீல் வைக்கப்பட்டுள்ளது. மேலும், அந்த அறைக்கு 24 மணிநேரமும் துப்பாக்கி ஏந்திய காவலா்கள் சுழற்சி முறையில் பாதுகாப்பு பணிகளை மேற்கொண்டு தொடா்ந்து கண்காணித்து வருகின்றனா். அறை முழுவதும் கண்காணிப்பு கேமராக்கள் பொருத்தப்பட்டு கண்காணிக்கப்பட்டு வருகிறது.
இந்நிலையில், தலைமை தோ்தல் அலுவலா் மற்றும் அரசுச் செயலா் ஆகியோரின் அறிவுத்தலின்படி, காலாண்டுக்கு ஒருமுறை அங்கீகரிக்கப்பட்ட அனைத்துக் கட்சிப் பிரமுகா்கள் முன்னிலையில் ஆய்வு செய்ய அறிவுறுத்தப்பட்டது. அதன்படி, மாவட்ட ஆட்சியா் த.ரத்னா, அனைத்து கட்சிப் பிரமுகா்கள் முன்னிலையில் புதன்கிழமை பாா்வையிட்டு ஆய்வு செய்தாா். பின்னா் மீண்டும் பாதுகாப்பு அறை பூட்டி சீல் வைக்கப்பட்டது.
ஆய்வின்போது, மாவட்ட வருவாய் அலுவலா் ஜெய்னுலாப்தீன், தோ்தல் வட்டாட்சியா் குமரய்யா மற்றும் அங்கீகரிக்கப்பட்ட அனைத்து கட்சி பிரமுகா்கள் உள்பட பலா் உடனிருந்தனா்.