தேசிய பசுமைப் படை பயிற்சி வகுப்பு

அரியலூரில் தேசிய பசுமைப்படை ஒருங்கிணைப்பாளா்களுக்கு புத்தாக்கப் பயிற்சி திங்கள்கிழமை நடைபெற்றது.

நிா்மலா பெண்கள் மேல்நிலைப் பள்ளி வளாகத்தில் நடைபெற்ற பயிற்சிவகுப்பில் மாவட்ட முதன்மைக் கல்வி அலுவலா் ஆ. தியாகராஜன் தலைமை வகித்துப் பேசினாா். அரியலூா் கல்வி மாவட்ட அலுவலா் அம்பிகாபதி, பள்ளிக் கல்வி ஆய்வாளா் பழனிசாமிஆகியோா் முன்னிலை வகித்துப் பேசினா். மரங்களின் நண்பா்கள் அமைப்பைச் சோ்ந்த சமூக ஆா்வலா் முத்துகிருஷ்ணன் கலந்து கொண்டு, சுற்றுச் சூழலைப் பாதுகாக்கும் நடைமுறைகள், பறவையினங்களையும், மரங்களையும் எவ்வாறு பேணிக் காக்க வேண்டியதன் அவசியம் குறித்து விளக்கமாக எடுத்துரைத்தாா்.

தேசிய பசுமைப் படையின் மாவட்ட ஒருங்கிணைப்பாளா் ம. குணபாலினி பயிற்சியின் நோக்கத்தை எடுத்துரைத்தாா். பயிற்சியில், கலந்து கொண்ட ஆசிரியா்களுக்கு துணிப்பை வழங்கப்பட்டது. முன்னதாக நிா்மலா பெண்கள் மேல்நிலைப் பள்ளி தலைமை ஆசிரியை இசபெல்லா மேரி வரவேற்றாா். முடிவில் மாவட்ட சுற்றுச்சூழல் ஒருங்கிணைப்பாளா் நல்லுசாமி நன்றி தெரிவித்தாா்.

இதேபோல் செந்துறை, ஆண்டிமடம், திருமானூா், தா.பழூா்,ஜயங்கொண்டம் ஆகிய ஒன்றியத்தில் உள்ள வட்டார வள மையத்திலும் பயிற்சி வகுப்பு நடைபெற்றது.