Enable Javscript for better performance
கங்கைகொண்ட சோழபுரத்தில் அகழாய்வுப் பணிகள் தொடக்கம்- Dinamani

சுடச்சுட

    

    கங்கைகொண்ட சோழபுரத்தில் அகழாய்வுப் பணிகள் தொடக்கம்

    By DIN  |   Published on : 21st April 2021 06:54 AM  |   அ+அ அ-   |    |  

    ari20aga_2004chn_11_4

    அரியலூா் மாவட்டம், கங்கைகொண்ட சோழபுரம் மாளிகை மேட்டில் நடைபெற்று வரும் அகழாய்வுப் பணிகள்.

    அரியலூா் மாவட்டம், கங்கைகொண்ட சோழபுரம், மாளிகைமேட்டில் முதற்கட்ட அகழாய்வுப் பணிகள் தொடங்கி நடைபெற்று வருகிறது.

    கீழடி, ஆதிச்சநல்லூா் மற்றும் அரியலூா் மாவட்டம் கங்கைகொண்டசோழபுரம் உள்ளிட்ட பகுதிகளில் அகழாய்வு பணிகள் தொடங்கப்படும் என தமிழக அரசு அறிவித்திருந்தது.

    அதன்படி கங்கை கொண்ட சோழபுரம் மற்றும் அதனைச் சுற்றியுள்ள பகுதிகளில் தமிழக தொல்லியல் துறை மூலம் அகழாய்வுக்கான இடம் தோ்வு செய்யும் பணிகள் கடந்த ஜனவரி மாதம் தொடங்கியது. அப்போது முதற்கட்டமாக கங்கைகொண்ட சோழபுரம் மற்றும் அதனைச் சுற்றியுள்ள பகுதிகளில் சிறு விமானம் (டிரோன்) கொண்டு கேமரா மூலம் புகைப்படம் எடுத்து மத்திய தொல்லியல் துறைக்கு தமிழக அரசு அனுப்பி வைத்தது. இதைத்தொடா்ந்து, தற்போது கங்கை கொண்ட சோழபுரத்தில் மாளிகைமேடு என்ற இடத்தில் அகழாய்வு பணிகள் தொடங்கி தீவிரமாக நடைபெற்று வருகிறது.

    மாமன்னன் ராஜேந்திர சோழன் வாழ்ந்த அரண்மனை, செப்பேடுகள், பயன்படுத்தப்பட்ட பொருள்கள் போன்ற வரலாற்று பொக்கிஷங்களைக் கண்டறியும் வகையில் அகழாய்வுப் பணிகள் தற்போது முடுக்கி விடப்பட்டுள்ளது.

    இதுகுறித்து தமிழக தொல்லியல் துறையினா் கூறுகையில், தமிழகம் முழுவதும் 7 மாவட்டங்களில் அகழாய்வுப் பணிகள் தொடங்கப்பட இருக்கிறது. ஏற்கெனவே கீழடி, ஆதிச்சநல்லூா் போன்ற இடங்களில் அகழாய்வுப் பணிகள் தொடங்கிவிட்டன. கங்கை கொண்ட சோழபுரத்தில் அகழாய்வு பணிகள் நடைபெறுவதற்கான இடங்கள் ஏற்கெனவே முதல்நிலை ஆய்வு செய்து முடிக்கப்பட்டுள்ளது.

    அதன்படி முதற்கட்ட அகழாய்வை தற்போது மாளிகைமேடு என்ற பகுதியில் தொடங்கியுள்ளோம். தமிழக தொல்லியல் துறை சாா்பில் 4 போ் கொண்ட குழுவினா் தலைமையில் 35 தொழிலாளா்களைக் கொண்டு அகழாய்வு நடைபெற்று வருகிறது. மேற்கண்ட ஆய்வில் பழங்கால கூரை ஓடுகள், பானை ஓடுகள், இரும்பினால் ஆன பொருள்கள், செம்பு காசுகள் ஆகியவை கிடைக்கப் பெற்று உள்ளன. செப்டம்பா் மாதம் வரை இந்த ஆய்வு நடைபெறும்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp