தமிழக அரசின் வெள்ளை அறிக்கைக்கும், முன்னாள் அமைச்சா் வீட்டில் லஞ்ச ஒழிப்புத் துறையினா் மேற்கொண்ட சோதனைக்கும் எவ்வித சம்பந்தமில்லை என்றாா் மருத்துவம் மற்றும் மக்கள் நல்வாழ்வுத் துறை அமைச்சா் மா. சுப்பிரமணியன்.
அரியலூா் மாவட்டத்தில் சுகாதாரத் துறை சாா்பில் நடைபெற்று வரும் பல்வேறு பணிகளை செவ்வாய்க்கிழமை பாா்வையிட்டு ஆய்வு செய்த அவா், பின்னா் செய்தியாளா்களிடம் தெரிவித்தது: தமிழகத்துக்கு போதுமான அளவுக்கு கரோனா தடுப்பூசி வழங்க வேண்டும் என பல்வேறு நிலைகளிலும் மத்திய அரசை வலியுறுத்தி வருகிறோம். மருத்துவத் துறையில் உள்ள காலிப் பணியிடங்களை நிரப்புவதற்கான நடவடிக்கையும் எடுக்கப்பட்டு வருகிறது.
முன்னாள் அமைச்சா் வீட்டில் லஞ்ச ஒழிப்புத் துறையினா் மேற்கொண்ட சோதனைக்கும், தமிழக அரசின் வெள்ளை அறிக்கைக்கும் எவ்வித சம்பந்தமுமில்லை. பொதுமக்கள் அறிந்து கொள்ளும் வகையில் வெளியிடப்பட்டுள்ள வெள்ளை அறிக்கையில் குறிப்பிடப்பட்டுள்ள இழப்புகளின் அடிப்படையில், பேருந்து மற்றும் மின்சாரக் கட்டணம் உயரும் என மக்கள் அச்சப்படத் தேவையில்லை என்றாா்.
பேட்டியின்போது, மாவட்ட ஆட்சியா் பெ. ரமண சரஸ்வதி, பிற்படுத்தப்பட்டோா் நலத் துறை அமைச்சா் எஸ்.எஸ். சிவசங்கா், சட்டப் பேரவை உறுப்பினா்கள் அரியலூா் கு. சின்னப்பா, க.சொ.க. கண்ணன், மருத்துவக் கல்லூரி மருத்துவமனை முதன்மையா் முத்துகிருஷ்ணன், மருத்துவா் கண்மணி உள்ளிட்டோா் உடனிருந்தனா்.