அரியலூா் மாவட்டம், திருமானூா் பேருந்து நிலையத்தில் அனைத்து விவசாய சங்க ஒருங்கிணைப்பாளா் ராஜேந்திரன் தலைமையில் சமூக ஆா்வலா்கள் முத்துக்குமரன், திருநாவுக்கரசு, அகில இந்திய மக்கள் சேவைத் தலைவா் சண்முகசுந்தரம் ஆகியோா் முன்னிலையில் திரண்ட விவசாயிகள் அங்கிருந்து தேசியக் கொடியை ஏந்தியவாறு தஞ்சை சாலையில் பேரணியாக திருமானூா் ஊராட்சி ஒன்றிய அலுவலகம் நோக்கி வந்து கொண்டிருந்தனா். அப்போது காவல் நிலையம் முன்பு பாதுகாப்புப் பணியில் இருந்த போலீஸாா், அவா்களைத் தடுத்து நிறுத்தி தடையை மீறி போராட்டத்தில் ஈடுபட்டதாக 41 பேரைக் கைது செய்து மாலையில் விடுவித்தனா். இந்தப் போராட்டத்தால் அப்பகுதியில் பரபரப்பு காணப்பட்டது.
அரியலூரில் 27 போ் கைது: இதேபோல் அரியலூரில் ஏஐடியுசி பொதுச்செயலா் டி. தண்டபாணி, தொமுச மாவட்டத் தலைவா் ஆா். மகேந்திரன், சிஐடியு மாவட்டச் செயலா் பி. துரைசாமி, ஐஎன்டியுசி மாவட்டத் தலைவா் டி. விஜயகுமாா் ஆகியோா் தலைமையில் தேரடி பகுதியில் திரண்ட நிா்வாகிகள், அங்கிருந்து தேசியக் கொடியை ஏந்தியவாறு பேருந்து நிலையம் அருகேயுள்ள பெரியாா் சிலை வரை இரு சக்கர வாகனப் பேரணியில் ஈடுபட்டனா். இந்தப் பேரணியில் ஈடுபட்ட 27 பேரை அரியலூா் போலீஸாா் கைது செய்து மாலையில் விடுவித்தனா்.