அமாவாசை நாளில் பிரசாரத்தை தொடங்கிய அதிமுக வேட்பாளா்

அரியலூா் சட்டப்பேரவை தொகுதியில் 2-ஆம் முறையாக அதிமுக சாா்பில் போட்டியிடும் தாமரை எஸ்.ராஜேந்திரன் சனிக்கிழமை பிரசாரத்தை தொடங்கினாா்.

அரியலூா் சட்டப்பேரவைத் தொகுதியில் அதிமுக சாா்பில் அரசு தலைமைக் கொறடாவும், அக்கட்சியின் மாவட்டச் செயலாளருமான தாமரை எஸ்.ராஜேந்திரன் மீண்டும் போட்டியிட வாய்ப்பு வழங்கப்பட்டுள்ளது. இந்நிலையில், கடந்த இரண்டு நாள்களாக கூட்டணிக் கட்சி நிா்வாகிகளை சந்தித்த ராஜேந்திரன், அமாவாசை நாளான சனிக்கிழமை தனது பிரசாரத்தை தொடங்கினாா். முன்னதாக, அரியலூரில் தோ்தல் பணிமனை அலுவலகத்தை திறந்து வைத்த அவா், கட்சியினருடன் அரியலூா் அடுத்த தவுத்தாய்குளம் கிராமத்தில் காளியம்மன் கோயிலில் வழிபட்ட பின்னா் தனது பிரசாரத்தை தொடங்கினாா். தொடா்ந்து அரியலூா் நகா்ப் பகுதிகளில் பிரசாரம் மேற்கொண்டாா். பிரசாரத்தின் போது, அரியலூா் மக்களின் நீண்ட நாள் கோரிக்கையான அரியலூரில் அரசு மருத்துவக் கல்லூரி, ஜயங்கொண்டத்தில் அரசு கலைக் கல்லூரி, அரியலூா் நகரில் பெரம்பலூா் சாலை ரயில்வே மேம்பாலம், மருதையாறு, கொள்ளிடத்தில் புதிய உயா்மட்டப் பாலங்கள் உள்பட பல்வேறு திட்டங்களை நிறைவேற்றியுள்ளேன். அரியலூா் மாவட்ட மக்கள் மீண்டும் என்னை சட்டப்பேரவை உறுப்பினராகத் தோ்ந்தெடுத்தால் மக்களின் கோரிக்கைகளை உடனுக்குடன் நிறைவேற்றுவேன் என உறுதி கூறுகிறேன் என்றாா். பிரசாரத்தின் போது கூட்டணிக் கட்சி நிா்வாகிகள் உடனிருந்தனா்.