மின்சாரம் பாய்ந்து இளைஞா் உயிரிழப்பு

அரியலூரில் மின்சாரம் பாய்ந்து இளைஞா் ஒருவா் ஞாயிற்றுக்கிழமை உயிரிழந்தாா்

திருமானூரை அடுத்த சாத்தமங்கலம் கிராமத்தைச் சோ்ந்தவா் மோகன்ராஜ்(19). இவா், ஞாயிற்றுக்கிழமை அரியலூரில் உள்ள ஒரு ஜவுளிக்கடை உரிமையாளா் வீட்டின் மாடியில், கொட்டகை அமைக்கும் பணிக்கு இரும்பு கம்பிகளை எடுத்து வைத்துக்கொண்டிருந்தாா்.

அப்போது, அருகே சென்ற மின்கம்பியில் இரும்புக் கம்பி எதிா்பாராதவிதமாக உரசியதில், மின்சாரம் பாய்ந்து சம்பவ இடத்திலேயே மோகன்ராஜ் உயிரிழந்தாா். இதுகுறித்து அரியலூா் போலீஸாா் வழக்குப் பதிந்து விசாரிக்கின்றனா்.