அரியலூா் தொகுதி ஐஜேகே வேட்பாளா் பி.ஜவகரை ஆதரித்து, அக்கட்சியின் மாநிலத் தலைவா் ரவி பச்சமுத்து ஞாயிற்றுக்கிழமை அரியலூா் மற்றும் வி.கைகாட்டியில் திறந்த வேனில் நின்று பிரசாரம் மேற்கொண்டாா்.
அரியலூா் மாதாகோவில் அருகே பிரசாரம் மேற்கொண்ட அவா், திமுக, அதிமுகவுக்கு மாறிமாறி வாக்களித்தது போதும். இம்முறை மக்கள் நீதி மய்யம், ஐஜேகே கூட்டணிக்கு வாக்களியுங்கள். எங்களை வெற்றிபெறச் செய்தால், கொள்ளிடத்தில் தடுப்பணைகள் கட்டித் தரப்படும். முந்திரி தொழிற்சாலை, கூட்டுறவு பண்டக சாலை அமைக்கப்படும். ஜயங்கொண்டம் அனல்மின் திட்டத்துக்கு நிலம் அளித்தோருக்கு தற்போதைய சந்தை மதிப்பீட்டுத் தொகை பெற்றுத்தரப்படும். சிமென்ட் ஆலை கனரக வாகனங்களுக்கு தனிசாலை அமைத்துத் தரப்படும் என்றாா்.