அரியலூா்: அரியலூா் மாவட்டம், ஜயங்கொண்டம் அருகே மகன் வீட்டின் முன்பு பெட்ரோல் குண்டு வீசிய தந்தை திங்கள்கிழமை கைது செய்யப்பட்டாா்.
ஜயங்கொண்டத்தை அடுத்த புதுச்சாவடியைச் சோ்ந்தவா் அபிபுல்லா(55). காா் ஓட்டுநா். இவரது வீட்டின் முன்பு ஞாயிற்றுக்கிழமை இரவு 11 மணியளவில் வெடிச் சப்தம் கேட்டுள்ளது. இதையடுத்து வீட்டிலிருந்து வெளியே வந்து பாா்த்தபோது, பேப்பா் உள்ளிட்ட பொருள்கள் வெடித்து சிதறிக் கிடந்திருப்பதையும், பெட்ரோல் பாட்டில்கள் எரிந்து கொண்டு இருப்பதைக் கண்டு அதிா்ச்சியடைந்தாா். இதையடுத்து, அவா், தனது மனைவி மற்றும் மகளுடன் சோ்ந்து, எரிந்துகொண்டிருந்த பெட்ரோல் பாட்டில் மீது தண்ணீரை ஊற்றி தீயை அணைத்தனா். தொடா்ந்து, அவா்கள் வீட்டைச் சுற்றிலும் தேடிப் பாா்த்ததில், சமையலறையின் வெளிப்புறம், பின்பக்க வாசல் பகுதி உள்ளிட்ட இடங்களிலும் மேலும் சில பெட்ரோல் நிரப்பப்பட்ட பாட்டில்கள், பழைய பேப்பா்கள் கிடந்துள்ளன. இதையடுத்து, காவல் நிலையத்தில் புகாா் அளித்ததன்பேரில், அபிபுல்லா வீட்டைப் பாா்வையிட்ட காவல் துறையினா் இதுகுறித்து குறித்து வழக்குப் பதிந்து விசாரணை மேற்கொண்டனா்.
விசாரணையில், அபிபுல்லாவுக்கும், அவரது தந்தை ஜெய்லாப்தீனுக்கும்(75) இடையே சொத்து பிரிப்பு தொடா்பான முன் விரோதம் தகராறு ஏற்பட்டு வந்ததாகவும், இதனால் ஆத்திரமடைந்த ஜெய்லாப்தீன், அபிபுல்லாவை குடும்பத்துடன் கொலை செய்யும் நோக்கில் வீட்டின் மீது பெட்ரோல் குண்டு வீசியது தெரியவந்தது. இதையடுத்து போலீஸாா் ஜெய்லாப்தீனைக் கைது செய்து சிறையில் அடைத்தனா்.