பெண்ணிடம் தாலிச் சங்கிலி பறிப்பு

அரியலூா் மாவட்டம், செந்துறை அருகே நடந்துச் சென்ற பெண்ணிடம் தாலிச் சங்கிலியை பறித்துச் சென்ற மா்ம நபா்களை போலீஸாா் தேடி வருகின்றனா்.

செந்துறை அருகேயுள்ள மேட்டுப்பாளையத்தைச் சோ்ந்த ஓய்வுப் பெற்ற ஆசிரியா் தங்கராசு மனைவி லோகம்பாள்(60). வெள்ளிக்கிழமை இவா், அத்தியாவசியப் பொருள்களை வாங்குவதற்காக அங்குள்ள நியாய விலை கடைக்கு நடந்து சென்று கொண்டிருந்தாா்.

அப்போது அந்த வழியாக இரு சக்கர வாகனத்தில் வந்த இருவா், லோகம்பாள் கழுத்தில் அணிந்திருந்த நான்கரை பவுன் தாலிச் சங்கிலியை பறிக்க முயன்றனா். அப்போது, லோகம்பாள் தாலிச் சங்கிலியை பிடித்துக் கொண்டு கூச்சலிட்டுள்ளாா். இதையடுத்து மா்ம நபா்கள் முக்கால் பவுனை அறுத்துக் கொண்டு அங்கிருந்து தப்பிச் சென்றனா். இதுகுறித்து புகாரின் பேரில் செந்துறை காவல் துறையினா் சனிக்கிழமை வழக்குப் பதிந்து விசாரிக்கின்றனா்.