Enable Javscript for better performance
புறக்கடை கோழி வளர்ப்பு திட்டத்தில் பயன் பெறலாம்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருச்சி கரூர்

    புறக்கடை கோழி வளர்ப்பு திட்டத்தில் பயன் பெறலாம்

    By DIN  |   Published On : 04th August 2019 03:41 AM  |   Last Updated : 04th August 2019 03:41 AM  |  அ+அ அ-  |  


    புறக்கடை கோழி வளர்ப்புத் திட்டத்தில் பயன்பெற அழைப்பு விடுக்கப்பட்டுள்ளது.
    கோழி அபிவிருத்தித் திட்டத்தின் கீழ் ஊரக புறக்கடை கோழி வளர்ப்புத் திட்டத்தை நிகழாண்டு செயல்படுத்தும் வகையில், கரூர் மாவட்டத்தில் உள்ள அனைத்து கிராம ஊராட்சி, பேரூராட்சிகளில் ஒவ்வொரு ஒன்றியத்திற்கும் 500 பயனாளிகள் வீதம் 4000 பெண் பயனாளிகள் கீழ்க்கண்ட தகுதிகளுடன் தேர்வு செய்யப்பட்டு திட்டம் செயல்படுத்தப்படவுள்ளது. 
    இத்திட்டத்தில் தமிழ்நாடு மாநில கிராமப்புற வாழ்வாதார திட்டத்தின் கீழ் வழங்கப்பட்ட மக்கள் பங்கேற்புடன் கண்டறியப்பட்ட ஏழைகளின் பட்டியல் எண் உடைய பெண்கள் தேர்வு செய்யப்படுவர். சொந்த கிராமத்தில் நிலையாக வசித்து வர வேண்டும். மேலும், அரசு வழங்கும் திட்டத்தின்கீழ் இலவச கறவை பசுக்கள், இலவச வெள்ளாடுகள், செம்மறி ஆடுகள் மற்றும் கோழி அபிவிருத்தி திட்டத்தின் கீழ் முந்தைய ஆண்டுகளில் பயன்பெற்றவராக இருக்கக்கூடாது. ஆதரவற்ற பெண்கள், விதவை, மாற்றுத்திறனாளிகளுக்கு முன்னுரிமை. அரசு விதிமுறைகளின்படி 30 சதவீத பெண் பயனாளிகள் தேர்வு செய்யப்படுவர். மேலும், பேரூராட்சிகளில் தேர்வு செய்யப்படும் பயனாளிகளில் சிறப்பு நிலை பேரூராட்சி எனில் 50 பயனாளிகளும், தேர்வு நிலை பேரூராட்சி எனில் 75 பயனாளிகளும், பேரூராட்சி நிலை-1 எனில் 107 பயனாளிகளும், பேரூராட்சி நிலை-2 எனில் 125 பயனாளிகளும் தேர்வு செய்யப்படுவர். மேலும், பேரூராட்சிகளில் வசிக்கும் வறுமைக் கோட்டிற்கு கீழ் உள்ள பட்டியல் எண் வைத்திருக்கும் பெண் பயனாளியாக இருக்க வேண்டும். 
    தேர்வு செய்யப்படும் பெண் பயனாளிகளுக்கு 25 எண்ணம் அசல் நாட்டு ரக கோழிக்குஞ்சுகள் இலவசமாக வழங்கப்படும். இத்திட்டத்தில் பயன்பெற விரும்புவோர் அருகிலுள்ள கால்நடை மருந்தக, கால்நடை உதவி மருத்துவரை அணுகி விண்ணப்பித்து பயன் பெறலாம்  என மாவட்ட ஆட்சியர் த. அன்பழகன்  தெரிவித்துள்ளார்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp