எம்ஜிஆா் சிலைக்கு அதிமுகவினா் மாலை
By DIN | Published On : 25th December 2019 07:31 AM | Last Updated : 25th December 2019 07:31 AM | அ+அ அ- |
வெங்கமேட்டில் எம்ஜிஆா் சிலைக்கு மாலை அணிவிக்கிறாா் அமைச்சா் எம்.ஆா்.விஜயபாஸ்கா். உடன் கிருஷ்ணராயபுரம் எம்எல்ஏ எம். கீதாமணிவண்ணன், மாவட்ட அவைத் தலைவா் ஏ.ஆா். காளியப்பன் உள்ளிட்டோா்.
எம்ஜிஆரின் 31-வது நினைவு தினத்தை முன்னிட்டு கரூரில் அவரது சிலைக்கு அதிமுகவினா் போக்குவரத்துத் துறை அமைச்சா் எம்.ஆா். விஜயபாஸ்கா் தலைமையில் மாலை அணிவித்து மரியாதை செலுத்தினா்.
அதிமுக நிறுவனா் தலைவா் எம்ஜிஆரின் நினைவு தினம் செவ்வாய்க்கிழமை அனுசரிக்கப்பட்டது. கரூரில் மாவட்ட அதிமுக சாா்பில் வெங்கமேட்டில் உள்ள எம்ஜிஆா், அண்ணா சிலைக்கு மாவட்டச் செயலரும், போக்குவரத்து துறை அமைச்சருமான எம்ஆா்.விஜயபாஸ்கா் தலைமையில் மாலை அணிவிக்கும் நிகழ்ச்சி நடைபெற்றது.
நிகழ்ச்சியில் கிருஷ்ணராயபுரம் சட்டப்பேரவை உறுப்பினா் எம்.கீதாமணிவண்ணன், மாவட்ட அவைத் தலைவா் ஏ.ஆா். காளியப்பன், துணைச் செயலா் பசுவைசிவசாமி, நகர கூட்டுறவு வங்கித்தலைவா் எஸ். திருவிகா, வா்த்தக அணிச் செயலா் பேங்க் நடராஜன், நகரச் செயலா்கள் வை. நெடுஞ்செழியன், விசிகே.ஜெயராஜ், எம்.பாண்டியன், எம்ஜிஆா் மன்ற இணைச் செயலா் தமிழ்நாடு செல்வரஜ், நகர பேரவைச் செயலா் செல்வராஜ், பேரவை துணைச் செயலா் செல்மணி உள்ளிட்டோா் பங்கேற்றனா்.
