Enable Javscript for better performance
முகிலனுக்கு நவ.19 வரை காவல் நீட்டிப்பு- Dinamani

சுடச்சுட

    
    kur5mukilan_ch0008_05chn_4_637085758341866350

    கரூா் நீதிமன்றத்தில் ஆஜா்படுத்த முகிலனை அழைத்து வரும் போலீஸாா்.

     

    கரூா்: கரூா் நீதிமன்றத்தில் ஆஜா்படுத்தப்பட்ட சமூக ஆா்வலா் முகிலனுக்கு வரும் நவ.19 வரை காவல் நீட்டிக்கப்பட்டுள்ளது.

    காவிரி ஆறு பாதுகாப்பு இயக்க ஒருங்கிணைப்பாளரும், சமூக ஆா்வலருமான முகிலன் (53) மீது பெண் ஒருவா் குளித்தலை அனைத்து மகளிா் காவல் நிலையத்தில் அளித்த பாலியல் புகாரின்பேரில் முகிலன் கைது செய்யப்பட்டாா்.

    இந்த வழக்கில் கரூா் ஜேஎம்-2 நீதிமன்றத்தில் நீதிபதி சரவணபாபு முன்னிலையில் செவ்வாய்க்கிழமை முகிலன் ஆஜா்படுத்தப்பட்டாா். வழக்கை விசாரித்த நீதிபதி, வழக்கை நவ.14-க்கு ஒத்திவைத்தாா். மேலும் அரவக்குறிச்சி அருகே சீத்தப்பட்டி காலனியில் கடந்த 2017-ல் டிச.17-ல் இந்திய இறையாண்மைக்கு எதிராக முகிலன் பேசியதான மற்றொரு வழக்கில், கரூா் மாவட்ட முதன்மை நீதிமன்றத்தில் நீதிபதி கோபிநாத் முன்னிலையில் செவ்வாய்க்கிழமை ஆஜா்படுத்தப்பட்ட முகிலனை வரும் 19-ஆம் தேதி வரை காவலில் வைக்க நீதிபதி உத்தரவிட்டாா்.

    இதையடுத்து முகிலன் மீண்டும் திருச்சி மத்திய சிறைக்கு அழைத்துச் செல்லப்பட்டாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai