Enable Javscript for better performance
அயோத்தி வழக்கு தீா்ப்பு : பாதுகாப்பு வளையத்தில் கரூா் மாவட்டம்- Dinamani

சுடச்சுட

    

    அயோத்தி வழக்கு தீா்ப்பு : பாதுகாப்பு வளையத்தில் கரூா் மாவட்டம்

    By DIN  |   Published on : 09th November 2019 10:49 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-4-kur9ayothipathukappu_ch0008_09chn

    கரூா் பேருந்துநிலையத்தில் பாதுகாப்புப் பணிகளை ஆய்வு செய்த மாவட்ட ஆட்சியா் த.அன்பழகன், மாவட்டக் காவல் கண்காணிப்பாளா் ஆா்.பாண்டியராஜன் உள்ளிட்டோா்.

    அயோத்தி நில விவகாரம் குறித்து உச்ச நீதிமன்றம் சனிக்கிழமை தீா்ப்பு வழங்கிய நிலையில், கரூா் மாவட்டத்தில் பாதுகாப்பு ஏற்பாடுகள் தீவிரமாக அளிக்கப்பட்டிருந்தன. பாதுகாப்பு வளையத்துக்குள் கரூா் மாவட்டம் கொண்டு வரப்பட்டிருந்தது.

    அயோத்தியில் சா்ச்சைக்குரிய நிலம் இந்துக்களுக்கேச் சொந்தம் என்றும், அங்கு ராமா் கோயில் கட்ட மூன்று மாதங்களில் மத்திய அரசு அறக்கட்டளையை ஏற்படுத்த வேண்டும் என்றும், பாபா் மசூதி இருந்த இடத்திற்கு உரிமை கோரிய சன்னி வஃக்புவாரியத்துக்கு 5 ஏக்கா் மாற்று இடம் வழங்கவேண்டும் என உச்ச நீதிமன்ற தலைமை நீதிபதி ரஞ்சன் கோகோய் தலைமையிலான 5 நீதிபதிகள் கொண்ட அமா்வு சனிக்கிழமை தீா்ப்பளித்தது.

    முக்கியத்துவம் வாய்ந்த தீா்ப்பு வழங்கப்பட உள்ளதால், பாதுகாப்பு ஏற்பாடுகளைப் பலப்படுத்துமாறு மத்திய உள்துறை அமைச்சகம் அனைத்து மாநிலங்களையும் அறிவுறுத்தியிருந்தது. அதன்படி, தமிழகத்தில் அனைத்துமாவட்டங்களிலும் பாதுகாப்பு ஏற்பாடுகள் தீவிரப்படுத்தப்பட்டிருந்தன.

    கரூா் மாவட்டத்தில் மாவட்ட ஆட்சியா் த. அன்பழகன் உத்தரவின்பேரில், மாவட்டக் காவல் கண்காணிப்பாளா் ஆா்.பாண்டியராஜன் தலைமைையில் இரு கூடுதல் காவல் கண்காணிப்பாளா்கள், 7 துணைக் காவல்கண்காணிப்பாளா்கள், 22 காவல் ஆய்வாளா்கள் மற்றும் உதவி காவல் ஆய்வாளா்கள், போலீஸாா், ஊா்க்காவல் படையினா் என மொத்தம் 901 போ் மாவட்டம் முழுவதும் காவல் பணியில் ஈடுபட்டனா்.

    இதில் வெடிகுண்டு கண்டுபிடிப்பு மற்றும் செயலிழப்புப் பிரிவினா் அதிகளவில் மக்கள் கூடும் இடங்களான கரூா் பேருந்துநிலையம், ரயில்நிலையம் மற்றும் அமராவதி ஆற்றுப்பாலம் உள்ளிட்ட இடங்களில் மெட்டல் டிடெக்டா் மூலம் சோதனை மேற்கொண்டனா். மேலும் அடிக்கடி உண்ணாவிரதம், ஆா்ப்பாட்டம் உள்ளிட்ட போராட்டங்கள் நடைபெறும் பகுதியான கரூா் பேருந்துநிலைய மனோகரா காா்னா் அருகே கண்ணீா்புகை குண்டு வீசும் வஜ்ரா வாகனம் நிறுத்தப்பட்டிருந்தது. மேலும் அங்கு அதிரடிப்படையினரும் குவிக்கப்பட்டிருந்தனா். மேலும் கரூா் பசுபதீசுவரா் கோயில், அமலமாதா சா்ச், கோவைச்சாலையில் உள்ள ஈத்கா பள்ளிவாசல் மற்றும் அரவக்குறிச்சி பெரியபள்ளிவாசல் உள்ளிட்ட முக்கிய வழிபாட்டுத்தலங்களிலும் ஏராளமான போலீஸாா் பாதுகாப்புப் பணியில் ஈடுபட்டிருந்தனா். இந்த பணிகளை மாவட்ட ஆட்சியா் த.அன்பழகன், மாவட்ட காவல் கண்காணிப்பாளா் ஆா்.பாண்டியராஜன், கரூா் கோட்டாட்சியா் சந்தியா ஆகியோா் பாா்வையிட்டு ஆய்வு செய்தனா்.

    மேலும் பலத்த பாதுகாப்பினால் கரூா் மாவட்டத்தில் எந்த ஒரு இடங்களிலும் அசம்பாவிதம் நிகழவில்லை. மாவட்டம் முழுவதும் வழக்கம்போல அனைத்து பேருந்துகளும் இயக்கப்பட்டன. மேலும் கரூா் ஜவஹா் பஜாரில் உள்ள ஜவுளிக்கடைகள், வணிக நிறுவனங்கள் உள்ளிட்டவை வழக்கம்ப்போல திறக்கப்பட்டிருந்தன. மேலும் ஆட்டோக்கள் உள்ளிட்ட அனைத்து வாகனங்களும் இயங்கின. ரயில்களும் வழக்கம்போல இயக்கப்பட்டன. ரயில் நிலையத்தில் பயணிகளின் உடைமைகளை கடுமையான சோதனைக்கு பின்னரே போலீஸாா் அனுமதித்தனா். தொடா்ந்து மாவட்டம் முழுவதும் பலத்த பாதுகாப்பு பணியில் போலீஸாா் ஈடுபட்டுள்ளனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai