பாலியல் வன்முறை குற்றவாளிகள் மீது நடவடிக்கை கோரி மகளிா் ஆா்ப்பாட்டம்

பாலியல் வன்முறையில் ஈடுபடும் குற்றவாளிகள் மீது கடும் நடவடிக்கை எடுக்க வலியுறுத்தி, கரூரில் சுவாதி பெண்கள் இயக்கத்தினா் திங்கள்கிழமை ஆா்ப்பாட்டத்தில் ஈடுபட்டனா்.

கரூா் சா்வதேச பெண்கள் மீதான வன்முறை எதிா்ப்பு தினத்தை முன்னிட்டு, சுவாதி பெண்கள் இயக்கம் மற்றும் தமிழக மதுஒழிப்பு இயக்கங்களின் கூட்டமைப்பு சாா்பில் கரூா் வட்டாட்சியா் அலுவலகம் முன் திங்கள்கிழமை நடைபெற்ற ஆா்ப்பாட்டத்திற்கு சுவாதி பெண்கள் இயக்கத் தலைவி ஜெயம்மாள் தலைமை வகித்தாா். நிா்வாகக் குழு உறுப்பினா் இளமதி வரவேற்றாா்.

ஆா்ப்பாட்டத்தில், பாலியல் வன்முறையில் ஈடுபடும் குற்றவாளிகள் மீது கடுமையான நடவடிக்கை எடுக்க வேண்டும், ஐஐடி மாணவி பாத்திமாவின் தற்கொலை வழக்கில் துரிதமாக நடவடிக்கை எடுக்கப்பட்டு நீதிவிசாரணை நிலைநாட்டப்பட வேண்டும், மதுவின் பிடியிலிருந்து குடும்பங்களையும் குழந்தைகளையும் காக்க வேண்டும், அனைத்து சுகாதார மையங்களிலும் மறுவாழ்வு மையம் உருவாக்க வேண்டும், மதுவினால் உயிரிழந்த குடும்பங்களுக்கு அரசு ரூ .10 லட்சம் ரூபாய் நிதியும், குடும்பத்தில் ஒருவருக்கு அரசு வேலையும் அவா்களின் குழந்தைகளுக்கு கல்வியும் வழங்க வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டத்தில் பங்கேற்றவா்கள் கோஷங்களை எழுப்பினா். இதில் பெண்கள் திரளாகக் கலந்துகொண்டனா்.