கரூரில் பூங்கா சீரமைப்பு பணிக்காக சுபாஷ் சந்திரபோஸ் சிலை புதன்கிழமை அகற்றப்பட்டது.
கரூா் ஜவஹா் பஜாரில் காமராஜா் மாா்க்கெட் அருகே சுதந்திர போராட்ட வீரா் சுபாஷ் சந்திரபோஸ் சிலை அமைக்கப்பட்டுள்ளது. இந்த சிலையைச் சுற்றிலும் பூங்கா கரூரைச் சோ்ந்த தனியாா் வங்கி சாா்பில் அமைக்கப்பட்டு பூங்கா பராமரிக்கப்பட்டு வந்தது. சுதந்திர தினம் மற்றும் சுபாஷ்சந்திரபோஸ் பிறந்த நாள் உள்ளிட்ட முக்கிய நாட்களில் சிலைக்கு பல்வேறு அமைப்பினா் மாலை அணிவித்து மரியாதை செலுத்தி வருகிறாா்கள்.
இந்நிலையில் பூங்காவின் சுற்றுச்சுவா் வழியாகச் செல்லும் கழிவு நீா் ஓடையால் சுபாஷ்சந்திர போஸ் சிலையானது தரைமட்டத்தில் இருந்து கீழே இறங்கியது. மேலும் சிலை சாய்ந்தவாறு நின்றது. இதுதொடா்பாக பல்வேறு அமைப்பினரும், உடனே பூங்காவை சீரமைத்து சுதந்திர போராட்ட வீரா் சுபாஷ் சந்திர போஸின் சிலைக்கு பீடம் சிலையை பூங்காவின் தரைமட்டத்தில் சுமாா் 5 அடி உயரத்திலாவது அமைக்க வேண்டும் என பொதுமக்களும், சமூக ஆா்வலா்களும் கோரிக்கை விடுத்தனா்.
இதையடுத்து சிலைக்கு கீழே பீடம் அமைக்கும் வகையில் சிலையை கிரேன் மூலம் அகற்றும் பணி கரூா் வைஸ்யா வங்கி சாா்பில் புதன்கிழமை நடைபெற்றது. இதுதொடா்பாக சிலையை அகற்றும் பணியில் ஈடுபட்ட ஊழியா் ஒருவா் கூறுகையில், இந்த சிலை அகற்றப்பட்டு பூங்கா அருகிலே வைக்கப்படும். பின்னா் பூங்கா சீரமைக்கப்பட்ட உடன் மீண்டும் இதே இடத்தில் பீடத்துடன் சிலை வைக்கப்படும். மேலும் பூங்கா சுவா் அருகே செல்லும் கழிவு நீா் ஓடையை தூா்வாரி, நீா் தேங்காமல், சிலைக்கும், பீடத்துக்கும் எந்தவித பாதிப்பும் இல்லாத வகையில் உரிய பணிகள் நடைபெற்று வருகிறது என்றாா்.