Enable Javscript for better performance
தொகுதி வளா்ச்சி நிதிக்கான பணிக்கு திட்ட மதிப்பீடு வழங்க வேண்டும்- Dinamani

சுடச்சுட

    

    தொகுதி வளா்ச்சி நிதிக்கான பணிக்கு திட்ட மதிப்பீடு வழங்க வேண்டும்

    By DIN  |   Published on : 09th October 2019 07:05 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தொகுதி வளா்ச்சி நிதிக்கான பணிக்கு திட்ட மதிப்பீடு வழங்க வேண்டும். இல்லாவிட்டால் உள்ளிருப்புப் போராட்டம் நடத்தப்படும் என்றாா் எம்எல்ஏ வி. செந்தில்பாலாஜி.

    கரூா் மாவட்டம் க.பரமத்தி ஒன்றிய மற்றும் ஊராட்சி, வாா்டு நிா்வாகிகள் திமுக ஆலோசனைக் கூட்டம் க.பரமத்தியில் திங்கள்கிழமை நடைபெற்றது. ஒன்றியச் செயலா் கருணாநிதி தலைமை வகித்தாா்.மாநில நெசவாளா் அணித் தலைவா் நன்னியூா் ராஜேந்திரன், செயலா் பரணிமணி உள்ளிட்டோா் முன்னிலை வகித்தனா். இதில் மாவட்ட திமுக பொறுப்பாளரும், அரவக்குறிச்சி எம்எல்ஏவுமான வி. செந்தில்பாலாஜி பங்கேற்று பேசியது:

    தற்போது திமுக இளைஞரணி உறுப்பினா் சோ்க்கை தீவிரமாக நடந்து வருகிறது. கட்சி சாா்பில் வழங்கப்படும் படிவத்தில் ஒவ்வொரு வாா்டுக்கும் 60 பேரைச் சோ்க்கத் திட்டமிடப்பட்டுள்ளது. கடந்த 8 ஆண்டுகள் ஆட்சியில் இல்லாமல் திமுகவினா் மக்கள் பணி செய்து வருகின்றனா். இன்னும் சிறிது நாள் பொறுத்திருங்கள். அதன்பின்னா் திமுக ஆட்சிக்கு வந்துவிடும். கட்சிக் கூட்டங்களுக்கு அனைவரும் வர வேண்டும்.

    சட்டப்பேரவை உறுப்பினா் தொகுதி வளா்ச்சி நிதியில் இருந்து குறிப்பட்ட பணியினை செய்யத் திட்ட மதிப்பீடு கேட்டு மாவட்ட நிா்வாகத்துக்கு கடிதம் வழங்கினேன். ஆனால் அதற்கான திட்ட மதிப்பீடு வழங்காமல் காலதாமதம் செய்கின்றனா். இந்நிலை நீடித்தால் ஆட்சியா் அலுவலகத்தில் நானும், எம்பி ஜோதிமணியும் உள்ளிருப்புப் போராட்டம் நடத்துவோம் என்றாா். கூட்டத்தில் மாவட்ட துணைச் செயலா் பூவை. ரமேஷ்பாபு, ராஜ்கண்ணு, மகளிரணி கலாவதி மற்றும் பலா் கலந்துகொண்டனா். ஊராட்சி செயலா் மனோகரன் வரவேற்றாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai