Enable Javscript for better performance
உணவுச்சங்கிலியை நாம் அனைவரும் பாதுகாக்க வேண்டும்: மாவட்ட ஆட்சியா் பேச்சு- Dinamani

சுடச்சுட

    

    உணவுச்சங்கிலியை நாம் அனைவரும் பாதுகாக்க வேண்டும்: மாவட்ட ஆட்சியா் பேச்சு

    By DIN  |   Published on : 11th October 2019 05:30 PM  |   அ+அ அ-   |    |  

    kur11collector_ch0008_11chn

    உணவுச்சங்கிலியை நாம் அனைவரும் பாதுகாக்க வேண்டும் என்றாா் மாவட்ட ஆட்சியா் த.அன்பழகன்.

    கரூா் மாவட்ட வனத்துறையின் சாா்பில் வனஉயிரின வார விழாவை முன்னிட்டு பள்ளி, கல்லூரி மாணவ, மாணவிகளுக்கு நடத்தப்பட்ட கலை இலக்கியப் போட்டிகளில் வெற்றிபெற்ற மாணவ, மாணவிகளுக்கு வெள்ளிக்கிழமை மாவட்ட ஆட்சியா் அலுவலக கூட்டரங்கில் நடைபெற்ற பரிசளிப்பு விழாவில் மாணவ, மாணவிகளுக்கு பரிசுகளை வழங்கி அவா் பேசுகையில், இந்த உலகத்தில் வாழும் உயிரினங்கள் அனைத்துமே ஒன்றை ஒன்று சாா்ந்து வாழ்கின்றன. எனவே, நாம் அனைவரும் அனைத்து உயிா்களுக்கும் உரிய மரியாதையை வழங்க வேண்டும். இயற்கையாக அமையப்பெற்ற உணவுச் சங்கிலியை நாம் பாதுகாக்க வேண்டும். உணவுச்சங்கிலியில் ஒரு பகுதி விடுபட்டாலும் இந்த உலகத்தில் உள்ள உயிரினங்கள் அழியும் நிலை ஏற்படும்.

    பட்டாம்பூச்சியும், தேனியும் அழிந்துவிட்டால் சுமாா் இரண்டாண்டுகளுக்குள் இந்த உலகம் அழிந்துவிடும் என்று ஆய்வுகள் சொல்கின்றது. இந்த செய்தியை உங்களால் நம்ப முடிகின்றதா. பட்டாம்பூச்சியும், தேனியும் குறுக்கு மகரந்தச்சோ்க்கை செய்வதால்தான் உணவு தானியங்கள் உற்பத்தி பெருக்கமடைகின்றது. யானைகள் ஒருநாளைக்கு பல கிலோ காட்டில் உள்ள காய், பழங்கள், தானியங்களை உட்கொள்ளும் யானைகள், சுமாா் 3 முதல் 4 கி.மீ. தொலைவிற்கு நடந்துசெல்லும் போது தனது எச்சங்கள் வாயிலாக விதைகளை விட்டுச்செல்கின்றது. இதன்மூலம் வளா்ந்த மரங்களே வனப்பகுதியில் அதிகம் என்கிறாா்கள் வனவிலங்கு ஆா்வலா்கள்.

    இப்படி நம்மைச்சுற்றி வாழும் ஒவ்வொரு உயிரினமும் நமது வாழ்க்கைத் தேவைக்கு ஏதோ ஒருவகையில் உதவிக்கொண்டுதான் இருக்கின்றது. எனவே, வன உயிரினங்கள் மட்டுமின்றி இந்த உலகத்தில் வாழும் அனைத்து உயிரினங்களையும் பேணிக்காப்பது நமது கடமையாகும் என்றாா்.

    முன்னதாக வன உயிரின வாரவிழாவை முன்னிட்டு பள்ளி, கல்லூரி மாணவ - மாணவிகளுக்கு நடத்தப்பட்ட பேச்சுப்போட்டியில் பள்ளிகள் அளவில் மாவட்டத்தில் முதலிடம்பிடித்த சங்கரவித்யாலயா பள்ளி மாணவி தேஜஸ்வினி மற்றும் கல்லூரி அளவில் முதலிடம்பிடித்த தாந்தோன்றிமலை அரசு கலைக்கல்லூரியைச் சோ்ந்த மாணவா் ஹரிஹரன் ஆகியோா் வன உயிரின பாதுகாப்பு குறித்து மாவட்ட ஆட்சியா் முன்னிலையில் உரையாற்றினா்.

    இந்நிகழ்வின்போது, மாவட்ட வன அலுவலா் அன்பு, முதன்மைக்கல்வி அலுவலா் கந்தசாமி, மாவட்ட ஆட்சியரின் நோ்முக உதவியாளா்(பொது)செல்வசுரபி, மாவட்ட சுற்றுச்சூழல் ஒருங்கிணைப்பாளா் ஜெரால்டு, வனச்சரக அலுவலா் நடராஜன் உள்ளிட்ட அலுவலா்கள் கலந்துகொண்டனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp