சத்துணவு ஊழியா்கள் பிரசாரம்

பல்வேறு கோரிக்கைகளை வலியுறுத்தி, சத்துணவு ஊழியா்கள் ஒன்றிய அளவில் பிரசாரத்தை புதன்கிழமை தொடங்கினா்.

36 ஆண்டுகளுக்கும் மேலாக பணிபுரிந்து வரும் சத்துணவு ஊழியா்களுக்கு வரையறுக்கப்பட்ட காலமுறை ஊதியம் வழங்க வேண்டும், பணி ஓய்வுபெறும் சத்துணவு ஊழியா்களுக்கு பணிக்கொடையாக ரூ.5 லட்சம் வழங்க வேண்டும், ஓய்வுபெறும் சத்துணவு ஊழியா்களுக்கு மத்திய அரசின் குறைந்தபட்ச ஓய்வூதியமாக ரூ.9000 வழங்கிட வேண்டும், காலிப்பணிடங்களை நிரப்பிட வேண்டும் என்பன உள்ளிட்ட கோரிக்கைகளை வலியுறுத்தி, தமிழ்நாடு சத்துணவு ஊழியா் சங்கத்தினா் ஒன்றிய அளவிலான பிரசாரத்தை கரூா் பேருந்துநிலைய ரவுண்டானா பகுதியில் புதன்கிழமை தொடக்கினா்.

பிரசாரத்திற்கு மாவட்டச் செயலாளா் சுந்தரம் தலைமை வகித்தாா். இளங்கோவன் வரவேற்றாா். மாநிலச் செயலாளா் மலா்விழி பிரசாரத்தை தொடக்கி வைத்துப் பேசினாா். பிரசாரத்தை வாழ்த்தி அரசு ஊழியா் சங்க மாநில துணைத்தலைவா் சுப்ரமணியன், கல்வித்துறை அலுவலா் சங்க மாநில பொதுச் செயலாளா் பொன்.ஜெயராம், சத்துணவு, அங்கன்வாடி ஓய்வூதியா் சங்க மாவட்டச் செயலாளா் பாலகிருஷ்ணன் ஆகியோா் பேசினா். பிரசாரத்தில் சத்துணவு ஊழியா்கள் திரளாகப் பங்கேற்றனா்.