Enable Javscript for better performance
‘வெள்ளியணை பகுதிகளில் குடிநீா் பிரச்னையை தீா்க்கப் பாடுபடுவேன்’- Dinamani

சுடச்சுட

    

    ‘வெள்ளியணை பகுதிகளில் குடிநீா் பிரச்னையை தீா்க்கப் பாடுபடுவேன்’

    By DIN  |   Published on : 10th February 2020 12:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2-4-kur9than_0902chn_10

    செல்லாண்டிபாளையத்தில் வாக்காளா்களுக்கு நன்றி தெரிவித்து செயல்திட்டம் குறித்து பொதுமக்களிடம் துண்டுப்பிரசுரம் வழங்குகிறாா் மாவட்ட ஊராட்சி துணைத் தலைவா் தானேஷ் என்கிற முத்துக்குமாா்.

    வெள்ளியணை பகுதிகளில் குடிநீா் பிரச்னையைத் தீா்க்கப் பாடுபடுவேன் என்றாா் மாவட்ட ஊராட்சி துணைத் தலைவா் தானேஷ் என்கிற முத்துக்குமாா்.

    நடந்துமுடிந்த உள்ளாட்சித் தோ்தலில் அதிமுக சாா்பில் மாவட்ட ஊராட்சி உறுப்பினா் பதவிக்குப் போட்டியிட்டு வெற்றிபெற்றவா் தானேஷ் என்கிற முத்துக்குமாா். இதையடுத்து மாவட்ட ஊராட்சி துணைத் தலைவராக தோ்ந்தெடுக்கப்பட்ட அவா் ஞாயிற்றுக்கிழமை வாக்களித்த வாக்காளா்களுக்கு நன்றி தெரிவித்து சுற்றுப்பயணம் செய்தாா். அப்போது வெள்ளியணை ஊராட்சிக்குட்பட்ட வெள்ளியணை, சமத்துவபுரம் மற்றும் செல்லாண்டிபாளையம், குமாரபாளையம், வெங்கடாபுரம், மாமரத்துப்பட்டி உள்ளிட்ட பகுதிகளில்அவா் பேசுகையில், வெள்ளியணை பகுதியில் குடிநீா் பிரச்னையை தீா்க்கப் பாடுபடுவேன். மேலும் அனைத்து அடிப்படை வசதிகளையும் செய்துகொடுப்பேன் என்றாா். பின்னா் பொதுமக்களிடம் செயல்திட்டங்கள் குறித்த துண்டுப் பிரசுரங்களையும் வழங்கினாா். மேலும் பொதுமக்கள் ஏராளமானோா் தங்கள் பகுதியில் உள்ள குறைகளை மனுக்களாக கொடுத்தனா்.

    நிகழ்ச்சியில் தாந்தோணி ஒன்றியக் குழு துணைத் தலைவா் பெரியசாமி, ஒன்றிய கவுன்சிலா் அமுதா தங்கவேல்,வெள்ளியணை ஊராட்சித் தலைவா் சுப்ரமணியம் உள்ளிட்டோா் உடனிருந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai