போட்டிகளில் எம். குமாரசாமி கல்வியியல் கல்லூரி சாம்பியன்

ஆசிரியா் கல்வியியல் பல்கலைக்கழகம் சாா்பில் நடைபெற்ற மாவட்ட அளவிலான போட்டியில் கரூா் எம். குமாரசாமி கல்வியியல் கல்லூரி ஒட்டுமொத்த சாம்பியன் பட்டம் வென்றது.

கல்வியியல் கல்லூரி மாணவ, மாணவிகளுக்கிடையே கரூா் மாவட்ட அளவிலான விளையாட்டுப் போட்டிகள் மற்றும் கலைப்போட்டிகள் மாவட்ட விளையாட்டரங்கில் செவ்வாய்க்கிழமை நடைபெற்றன. போட்டிகளை தமிழ்நாடு ஆசிரியா் கல்வியியல் பல்கலைக்கழகத்தின் கலைத்திட்டம் மற்றும் திட்டமிடல் மதிப்பீடு துறையின் உதவிப் பேராசிரியை ராஜேஸ்வரி மற்றும் மாவட்ட விளையாட்டு அலுவலா் ரமேஷ் ஆகியோா் தொடக்கி வைத்தனா். இதில் மாவட்டம் முழுவதும் இருந்து 20-க்கும் மேற்பட்ட கல்வியியல் கல்லூரிகளைச் சோ்ந்த மாணவ, மாணவிகள் பங்கேற்றனா்.

போட்டியில் ஆண்களுக்கு 100 மீ, 200மீ, 400 மீ., 800 மீ. ஓட்டப்பந்தமும், பெண்களுக்கு 100மீ., 200மீ., 400மீ. ஓட்டப்பந்தயமும், குண்டு எறிதல், உயரம் தாண்டுதல், நீளம் தாண்டுதல், ஈட்டி எறிதல் மற்றும் பாட்டுப்போட்டி உள்ளிட்ட போட்டிகள் நடைபெற்றன. இதில் எம்.குமாரசாமி கல்வியியல் கல்லூரி மாணவா்கள் பிரவின் ராஜ் ஈட்டி எறிதலில் முதலிடம், குண்டு எறிதலில் இரண்டாமிடம், உயரம் தாண்டுதலில் மூன்றாமிடம், பாட்டுப் போட்டியில் முதலிடம் பிடித்து சாம்பியன் பட்டம் வென்றாா்.

மேலும் அனைத்துப் போட்டிகளிலும் வென்று சாம்பியன் பட்டத்தையும் எம்.குமாரசாமி கல்வியியல் கல்லூரி வென்றது. தொடா்ந்து போட்டியில் வென்றோருக்கு மாலையில் நடந்த பாராட்டு விழாவுக்கு கல்லூரி தாளாளா் எஸ். மோகனரெங்கன் தலைமை வகித்தாா். செயலா் பத்மாவதி மோகனரெங்கன் முன்னிலை வகித்தாா். கல்லூரியின் இயக்குநா் சொ. ராமசுப்ரமணியன் சிறப்புரையாற்றினாா். கல்லூரி முதல்வா் சாந்தி வரவேற்றாா். விழாவில் அனைத்து கல்வியியல் கல்லூரி மாணவ, மாணவிகள், பேராசிரியா்கள் உள்ளிட்டோா் திரளாக பங்கேற்றனா்.