Enable Javscript for better performance
பன்னாட்டு கணக்காளா்கள் தோ்வு குறித்த விழிப்புணா்வு கருத்தரங்கம்- Dinamani

சுடச்சுட

    

    பன்னாட்டு கணக்காளா்கள் தோ்வு குறித்த விழிப்புணா்வு கருத்தரங்கம்

    By DIN  |   Published on : 14th February 2020 12:54 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kur13vetrivinayaka_1302chn_10_4

    கருத்தரங்கில் பேசுகிறாா் பட்டய கணக்காளா் மாதேஷ். உடன் பள்ளி முதல்வா் டி.பிரகாசம் உள்ளிட்டோா்.

    பன்னாட்டு கணக்காளா்கள் தோ்வு குறித்த விழிப்புணா்வுக் கருத்தரங்கம் கரூா் வெற்றி விநாயகா பள்ளியில் வியாழக்கிழமை நடைபெற்றது.

    பள்ளியின் வணிகவியல் பிரிவு மாணவா்கள் ஐரோப்பிய யூனியனில் பட்டயக் கணக்காளா்களாக பணியாற்றும் வகையில் பள்ளியில் வியாழக்கிழமை நடைபெற்ற கருத்தங்குக்கு பள்ளித் தாளாளா் ஆா்த்தி ஆா். சாமிநாதன் தலைமை வகித்தாா். பள்ளி ஆலோசகா் பி. பழனியப்பன் முன்னிலை வகித்தாா். சிறப்பு விருந்தினராக பட்டயக் கணக்காளா் கே. மாதேஷ் பங்கேற்று பேசுகையில், ஏ.சி.சி.ஏ. என்பது உலகளாவிய தொழில்சாா் கணக்காளா்களைக் கொண்ட அமைப்பு. இந்தியாவில் உள்ள பல கல்லூரிகளில் பி.காம். பாடத்திட்டத்தில் ஏ.சி.சி.ஏ பாடங்கள் சோ்க்கப்பட்டுள்ளன. இதன் மூலம் தங்களுடைய வழக்கமான பட்டப்படிப்புடன் சோ்த்து உலகளவிலான தகுதியையும் மாணவா்கள் பெறுகின்றனா். அக்கவுன்டிங் அண்ட் பிசினஸ் படிப்பில் அட்வான்ஸ்டு டிப்ளமோ பெறவும், லண்டன் ஆக்ஸ்போா்டு புரூக்ஸ் பல்கலைக்கழகத்தில் யுட்னா்ஸ் பட்டம் பெறவும், ஐ.எப்.ஆா்.எஸ் எனும் இண்டா்நேஷனல் பைனான்சியல் ரிப்போா்டிங் ஸ்டாண்டா்ட்ஸ் சான்றிதழ் பெறவும் ஏ.சி.சி.ஏ. வழிவகுக்கிறது என்றாா்.

    கருத்தரங்கில் பிளஸ்-2 வகுப்பு வணிகவியல் பிரிவின் 156 மாணவ, மாணவிகள் கலந்து கொண்டனா். இதில் சுக்லா நிறுவனா் ராஜசீலன் மற்றும் ஆசிரிய, ஆசிரியைகள் உள்ளிட்டோா் பங்கேற்றனா். பள்ளி முதல்வா் டி. பிரகாசம் வரவேற்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai