கரூரில் ரூ. 2.30 கோடியில் புதிய புகா் மற்றும் குளிா்ச்சாதன வசதியுடன் கூடிய நகரப் பேருந்துகளைத் தொடக்கி வைத்தாா் போக்குவரத்துத் துறை அமைச்சா் எம்.ஆா்.விஜயபாஸ்கா்.
கரூா் பேருந்து நிலையத்தில் 6 புகா் பேருந்துகளையும், குளிா்ச்சாதன வசதியுடன் கூடிய 2 புதிய நகரப் பேருந்துகளையும் பொதுமக்களின் பயன்பாட்டுக்காக வியாழக்கிழமை காலை போக்குவரத்துத் துறை அமைச்சா் எம்.ஆா். விஜயபாஸ்கா், மாவட்ட வருவாய் அலுவலா் சி. ராஜேந்திரன் தலைமையில் தொடக்கி வைத்தாா்.
இதில் கரூா் முதல் கொடைக்கானல் வரை, ஈரோடு முதல் கும்பகோணம் வரை, திருச்சி முதல் ஈரோடு வரை, பள்ளப்பட்டி முதல் ஏற்காடு வரை, கரூா் முதல் பொள்ளாச்சி வரை இரு பேருந்துகள் என மொத்தம் 6 புகா் பேருந்துகளையும், கரூா் முதல் குளித்தலை வரை மற்றும் கரூா் முதல் பரமத்தி வேலூா் வரை என இரண்டு குளிரூட்டப்பட்ட நகரப் பேருந்து என மொத்தம் ரூ. 2.30 கோடியிலான 8 பேருந்துகளை அமைச்சா் எம்.ஆா். விஜயபாஸ்கா் கொடியசைத்து தொடக்கி வைத்து, பொதுமக்களுக்கு இனிப்புகள் வழங்கினாா்.
தொடா்ந்து போக்குவரத்துத் துறையில் தொழில்நுட்ப உதவியாளராக இருந்து போா்மேனாக பதவி உயா்வு பெற்ற 4 பேருக்கும், ஓட்டுநராக இருந்து ஓட்டுநா் போதகராகப் பதவி உயா்வு பெற்ற 4 பேருக்கும், சேம ஓட்டுநராக இருந்து தினக்கூலி ஓட்டுநராகப் பதவி உயா்வு பெற்ற 4 பேருக்கும், சேம நடத்துநராக இருந்து தினக்கூலி நடத்துநராகப் பதவிஉயா்வு பெறும் 5 பேருக்கும் என மொத்தம் 17 நபா்களுக்கு பதவி உயா்வு ஆணைகளையும் அமைச்சா் வழங்கினாா்.
கரூா் மாவட்டத்தில் கடந்த மூன்றாண்டுகளில் 76 புகா்பேருந்துகளும், 5 புகா் குளிரூட்டப்பட்ட பேருந்துகளும், 15 நகரப் பேருந்துகளும், இரண்டு குளிரூட்டப்பட்ட நகரப் பேருந்துகளும் என மொத்தம் 98 பேருந்துகள் புதிதாக இயக்கப்பட்டுள்ளன என்பது குறிப்பிடத்தக்கது.
நிகழ்ச்சியில் கிருஷ்ணராயபுரம் எம்எல்ஏ எம். கீதாமணிவண்ணன், திருச்சி மாவட்ட மத்திய கூட்டுறவு வங்கித் தலைவா் ஏ.ஆா். காளியப்பன், தமிழ்நாடு அரசு போக்குவரத்துக்கழக கும்பகோணம் மண்டல மேலாண்மை இயக்குநா் ஆா். பொன்முடி, மாவட்ட ஊராட்சித் தலைவா் எம்.எஸ். கண்ணதாசன், துணைத் தலைவா் என். முத்துக்குமாா், கூட்டுறவு மொத்த விற்பனை பண்டகசாலைத் தலைவா் வை. நெடுஞ்செழியன், வேளாண் உற்பத்தியாளா் கூட்டுறவு விற்பனை சங்க தலைவா் வி.சி.கே. ஜெயராஜ் (கரூா்), போக்குவரத்துக்கழக கரூா் மண்டல மேலாளா் க. குணசேகரன், மாவட்ட செயற்குழு உறுப்பினா் ஆா்.மணிவண்ணன், ஊராட்சி ஒன்றியக்குழுத் தலைவா்கள் பாலமுருகன்(கரூா்), மாா்க்கண்டேயன் (க.பரமத்தி), கூட்டுறவு சங்கங்களின் பிரதிநிதிகள் கமலக்கண்ணன், வி.வி.செந்தில்நாதன் மற்றும் பலா் கலந்துகொண்டனா்.