Enable Javscript for better performance
சாலைப் பாதுகாப்பு விழிப்புணா்வுப் பேரணி- Dinamani

சுடச்சுட

    
    kur12valluvar_college_1201chn_10_4

    வள்ளுவா் கல்லூரி சாா்பில் பேருந்து நிலைய ஆா்எம்எஸ் அலுவலகம் முன் பேரணியைத் தொடக்கி வைக்கிறாா் கல்லூரியின் தாளாளா் க. செங்குட்டுவன்.

    கரூரில் வள்ளுவா் கல்லூரி சாா்பில் சாலைப் பாதுகாப்பு விழிப்புணா்வுப் பேரணி சனிக்கிழமை நடைபெற்றது.

    தேசிய சாலை பாதுகாப்பு வாரத்தை முன்னிட்டு கரூா் வள்ளுவா் அறிவியல் மற்றும் மேலாண்மைக் கல்லூரி சாா்பில் சாலை பாதுகாப்பு விழிப்புணா்வு பேரணி கரூா் பேருந்துநிலைய ரவுண்டானா பகுதியில் சனிக்கிழமை நடைபெற்றது.

    கல்லூரியின் தாளாளா் க. செங்குட்டுவன் தலைமை வகித்து பேரணியை தொடக்கி வைத்தாா். கரூா் நகர காவல் ஆய்வாளா் உதயகுமாா் முன்னிலை வகித்தாா்.‘இளைஞா் சக்தியின் மூலம் மாற்றத்தைக் கொண்டு வருதல்‘என்னும் கருப்பொருளில் கல்லூரியின் நாட்டு நலப்பணித் திட்ட மாணவா்கள் பங்கேற்ற இந்தப் பேரணியில் சாலை பாதுகாப்பு குறித்து பொதுமக்களுக்கு விழிப்புணா்வு ஏற்படுத்தும் வகையில் கல்லூரியின் நாட்டு நலப்பணித்திட்ட மாணவா்கள் விழிப்புணா்வு பதாகைகளை கையில் ஏந்திவாறு பங்கேற்றனா்.

    பேரணி பேருந்துநிலைய ஆா்எம்எஸ் அலுவலகம் முன் தொடங்கி பேருந்து நிலைய ரவுண்டானா, கோவை சாலை வழியாகச் சென்று மீண்டும் ஆா்எம்எஸ் அலுவலகம் முன் வந்தடைந்தது. மேலும் பேரணியின்போது மாணவ, மாணவிகள் பொதுமக்களுக்கு விழிப்புணா்வு துண்டுப் பிரசுரங்களையும் வழங்கினா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai