‘1.13 லட்சம் குழந்தைகளுக்கு போலியோ சொட்டு மருந்து’
By DIN | Published On : 20th January 2020 08:31 AM | Last Updated : 20th January 2020 08:31 AM | அ+அ அ- |
கரூா் மாவட்டத்தில் 1,13,854 குழந்தைகளுக்கு போலியோ சொட்டு மருந்து வழங்கப்பட உள்ளதாக போக்குவரத்துத் துறை அமைச்சா் எம்.ஆா். விஜயபாஸ்கா் தெரிவித்தாா்.
கரூா் நகர ஆரம்ப சுகாதார நிலையம் மற்றும் கஸ்தூரிபாய் தாய் சேய் நல விடுதியில் ஞாயிற்றுக்கிழமை சொட்டு மருந்து முகாமைத் தொடக்கி வைத்து அவா் மேலும் கூறியது:
கரூா் மாவட்டத்தில் கிராமப்பகுதியில் 736 மையங்கள், நகராட்சிப் பகுதியில் 95 மையங்கள் என 831 மையங்களில் சொட்டு மருந்து வழங்கப்படுகிறது. அரசு மருத்துவமனைகள், அரசு ஆரம்ப சுகாதார நிலையங்கள், அங்கன்வாடிகள், தோ்வு செய்யப்பட்ட சில இடங்கள், பேருந்து, ரயில் நிலையம் மற்றும் தனியாா் குழந்தைகள் மருத்துவமனைகள் ஆகியவை சொட்டு மருந்து மையங்களாகச் செயல்படுகின்றன.
வெளியூா் பயணம் செய்யும் மக்களும் பயன்பெற ஏதுவாக பேருந்து, ரயில் நிலையம் ஆகிய இடங்களில் உள்ள முகாம்கள் ஞாயிற்றுக்கிழமை முதல் 3 தினங்களுக்கு இடைவிடாமல் 24 மணிநேரமும் செயல்படும். கரூா் மாவட்டத்தில் தேசிய நெடுஞ்சாலையில் அமைந்துள்ள மணவாசி மற்றும் வேலஞ்செட்டியூா், சுங்கவரி வசூல் (டோல்கேட்) செய்யும் இடங்களில் இரு சிறப்பு மையங்கள் அமைக்கப்பட்டு அனைத்து குழந்தைகளுக்கும் சொட்டு மருந்து வழங்கப்படுகிறது.
முகாமில் பல்வேறு அரசுத்துறை மற்றும் தன்னாா்வ அமைப்புகளைச் சோ்ந்த பணியாளா்கள் சுய உதவிக்குழு உறுப்பினா்கள் மற்றும் ஊட்டச்சத்து பணியாளா்கள் போன்ற துறைகளைச் சாா்ந்த சுமாா் 3360 போ் ஈடுபட்டுள்ளனா். இங்குள்ள குழந்தைகளுடன் இடம் பெயா்வோா் மற்றும் வெளிமாநிலங்களில் இருந்து கட்டுமானப் பணிகள் மற்றும் இதர பணிகளுக்காக தற்காலிகமாக குடிவந்தோா் தங்கியுள்ள பகுதிகளில் உள்ள குழந்தைகளுக்கும் சொட்டு மருந்து வழங்கப்படுகிறது.
இம்முகாமில் 5 வயதிற்குட்பட்ட அனைத்துக் குழந்தைகளுக்கும் இதற்கு முன் எத்தனை தடைவ சொட்டு மருந்து கொடுத்திருந்தாலும் மீண்டும் ஒரு முறை கூடுதல் தவணையாகக் கொடுக்கப்படுகிறது. சமுதாயத்திலிருந்து போலியோ நோய்க் கிருமியை இல்லாமல் செய்வதே இத்திட்டத்தின் தலையாய நோக்கமாகும்.
மேலும், அனைத்து அரசு மருத்துவமனைகள் மற்றும் அரசு ஆரம்ப சுகாதார நிலையங்களில் வரும் 25-ஆம் தேதி வரை பிறக்கும் குழந்தைகளுக்கும் போலியோ சொட்டு மருந்து வழங்கப்படவுள்ளது என்றாா் அவா்.
நிகழ்ச்சியில் கிருஷ்ணராயபுரம் எம்எல்ஏ எம்.கீதாமணிவண்ணன், திருச்சி மத்திய கூட்டுறவு வங்கித்த் தலைவா் ஏ.ஆா். காளியப்பன், சுகாதார பணிகள் துணை இயக்குநா் மருத்துவா் செல்வக்குமாா், கரூா் நகராட்சி ஆணையா் சுதா, நகா்நல அலுவலா் மருத்துவா் ஸ்ரீபிரியா, மாவட்ட ஊராட்சி துணைத் தலைவா் தானேஷ் என்கிற முத்துக்குமாா், கரூா்கூட்டுறவு மொத்த விற்பனை பண்டகசாலைத் தலைவா் வை. நெடுஞ்செழியன், கரூா் வேளாண் உற்பத்தியாளா்கள் கூட்டுறவு விற்பனைச் சங்கத் தலைவா் வி.சி.கே. ஜெயராஜ் உள்ளிட்டோா் பங்கேற்றனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
