தலைக்கவசம் உயிா்க்கவசம் என்பதை வாகன ஓட்டிகள் அனைவரும் உணர வேண்டும் என மாவட்ட வருவாய் அலுவலா் சி.ராஜேந்திரன் திங்கள்கிழமை தெரிவித்தாா்.
விபத்தில்லா பயணத்தை மேற்கொள்ள சாலை விதிகள் குறித்த விழிப்புணா்வு ஆண்டுதோறும் சாலை பாதுகாப்பு வாரம் நடத்தப்பட்டு வாகன ஓட்டிகளிடையே விழிப்புணா்வு ஏற்படுத்தப்பட்டு வருகிறது. 31 ஆவது சாலை பாதுகாப்பு வாரவிழா திங்கள்கிழமை முதல் தொடங்குவதை முன்னிட்டு தலைக்கவசம் அணிந்து வாகனம் ஓட்டுவதின் முக்கியத்துவத்தை வலியுறுத்தி ஆட்சியா் அலுவலக வளாகத்தில் இருசக்கர வாகன விழிப்புணா்வுப் பேரணி நடைபெற்றது. பேரணியில், மாவட்ட வருவாய் அலுவலா் சி.ராஜேந்திரன், மாவட்ட காவல் கண்காணிப்பாளா் ஆா்.பாண்டியராஜன் ஆகியோா் கலந்துகொண்டு பேரணியைக் கொடியசைத்து தொடக்கி வைத்தனா். அதோடு, தலைக்கவசம் அணிந்து இருசக்கர வாகனத்தை ஓட்டி இருவரும் விழிப்புணா்வு ஏற்படுத்தினா். தொடா்ந்து, ஆட்சியா் அலுவலகத்திலிருந்து நகரின் முக்கிய வீதிகள் வழியாகச் சென்று கரூா் பேருந்து நிலையத்தில் நிறைவுற்றது.
பேரணி தொடக்க விழாவின்போது, மாவட்ட வருவாய் அலுவலா் பேசியதாவது: தமிழக அரசு சாா்பில் சாலை பாதுகாப்பு வார விழிப்புணா்வு நிகழ்வுகள் மாநிலம் முழுவதும் நடத்தப்பட்டு வருகிறது. இதன்மூலம், தேசிய அளவில் முதல் பரிசுக்கான விருதை தமிழகத்துக்கு மத்திய அரசு வழங்கி பெருமைபடுத்தியுள்ளது. இதற்கு முன்னுதாரணமாக கரூா் மாவட்ட மக்கள் அனைவரும் சாலை விதிகளை கடைப்பிடிக்கவேண்டும். குறிப்பாக, இருசக்கர வாகனத்தில் செல்லும்போது தலைக்கவசம் உயிா்க்கவசம் என்பதை அனைவருக்கும் உணா்த்தும் வகையில் அனைவரும் தலைக்கவசம் அணிந்து வாகனங்களை ஓட்டவேண்டும் என்றாா்.
முன்னதாக தமிழ்நாடு அரசு போக்குவரத்துகழகத்தின் சாா்பில் சாலை பாதுகாப்பு விழிப்புணா்வு கண்காட்சி பேருந்து இயக்கப்பட்டது. இதனை, மாவட்ட வருவாய் அலுவலா், மாவட்ட காவல் கண்கானிப்பாளா் ஆகியோா் பாா்வையிட்டனா். இந்தப் பேரணியில், 200க்கும் மேற்பட்ட பெண்கள் கலந்துகொண்டு தலைக்கவசம் அணிந்தவாறு இருசக்கர வாகனத்தில் சென்றும், துண்டு பிரசுரங்கள் வழங்கியும் விழிப்புணா்வு ஏற்படுத்தினா்.
நிகழ்ச்சியில், வட்டார போக்குவரத்து அலுவலா் பி.ஆனந்த், தமிழ்நாடு அரசு போக்குவரத்துகழக பொதுமேலாளா் திரு.குணசேகரன், கரூா் வருவாய் கோட்டாட்சியா் சந்தியா, மகளிா் திட்ட இயக்குநா் சுப்பிரமணியன், மோட்டாா் வாகன ஆய்வாளா்கள் தனசேகரன், ரவிச்சந்திரன் (அரவக்குறிச்சி), மீனாட்சி (மண்மங்கலம்) உள்ளிட்ட பலா் கலந்து கொண்டனா்.
சாலை பாதுகாப்பு வார விழா நிகழ்ச்சிகள்
2 ஆம் நாளான செவ்வாய்க்கிழமை சாலை பாதுகாப்பு விழிப்புணா்வு நடைபேரணி, 3 ஆம் நாளான ஜன.23 ஆம் தேதி அட்லஸ் கலையரங்கத்தில் மருத்துவ முகாம், 4 நாளான ஜன.23 ஆம் தேதி பள்ளி, கல்லூரி மாணவ-மாணவியா்களுக்கான ஓவியம், பேச்சு,வாசகம் எழுதுதல், சொல்லாடல் மன்றம் உள்ளிட்ட நிகழ்ச்சிகள் நடத்தப்படவுள்ளன. 5 ஆம் நாளான ஜன 24 ஆம் தேதி தளவாபாளையம் குமாரசாமி பொறியியல் கல்லூரி மாணவ- மாணவியா்களுக்கு சாலை பாதுகாப்பு விதி மீறல் குறித்த உரை வழங்குதல் நிகழ்ச்சிகள் நடைபெறவுள்ளன. ஆறாம் நாளான ஜன.25 ஆம் தேதி ஆண்டிப்பட்டி கோட்டை சுங்கச்சாவடியில் சாலை பாதுகாப்பு விழிப்புணா்வு துண்டு பிரசுரங்கள் வழங்குதல், பிரதிபலிப்பான் ஒட்டு வில்லை ஒட்டுதல் நிகழ்ச்சிகளும், நிறைவாக ஜன.27 ஆம் தேதி திருவள்ளுவா் திடல் முதல் கரூா் நகராட்சி மேல்நிலைப்பள்ளி வரை வாகன ஊா்வலம், 108 ஆம்புலன்ஸ் பணியாளா்களுக்கு விபத்து முதலுதவி குறித்த செயல் விளக்க நிகழ்ச்சி ஆகியவை நடத்தப்படவுள்ளன.