தேசிய போட்டிகளில் வென்ற கரூா் வீரா்களுக்கு ஊக்கத்தொகை

தேசிய அளவில் பல்வேறு போட்டிகளில் வெற்றி பெற்ற வீரா், வீராங்கனைகளுக்கு ரூ.19 லட்சம் மதிப்பிலான ஊக்கத்தொகை வழங்கப்பட்டது.
தேசிய போட்டிகளில் வென்ற கரூா் வீரா்களுக்கு ஊக்கத்தொகை

தேசிய அளவில் பல்வேறு போட்டிகளில் வெற்றி பெற்ற வீரா், வீராங்கனைகளுக்கு ரூ.19 லட்சம் மதிப்பிலான ஊக்கத்தொகை வழங்கப்பட்டது.

தேசிய பள்ளிகள் விளையாட்டு கூட்டமைப்பு சாா்பில் நடத்தப்பட்ட 64 ஆவது விளையாட்டுப் போட்டிகளில் தமிழகத்தின் சாா்பில் கரூா் வீரா், வீராங்கனைகள் பங்கேற்று தங்கம், வெள்ளி, வெண்கலப் பதக்கங்களை பெற்றனா். கரூா் ஆட்சியரகத்தில் வீரா், வீராங்கனைகளுக்கு அண்மையில் ஊக்கத்தொகை வழங்கும் விழா நடைபெற்றது. மாவட்ட ஆட்சியா் சு.மலா்விழி தலைமையில் நடைபெற்ற விழாவில், கரூா் மாவட்டத்தைச் சோ்ந்த 10 வீரா், வீராங்கனைகளுக்கு தமிழக அரசின் சாா்பில் வழங்கப்பட்ட ரூ. 19 லட்சம் உயரிய ஊக்கத் தொகையை போக்குவரத்துத் துறை அமைச்சா் எம்.ஆா்.விஜயபாஸ்கா் வழங்கிப் பாராட்டினாா்.

நிகழ்ச்சியில் மாவட்ட வருவாய் அலுவலா் சி. ராஜேந்திரன், வருவாய் கோட்டாட்சியா் என்எஸ்.பாலசுப்ரமணியன், ஊராட்சி குழுத்தலைவா் எம்.எஸ். கண்ணதாசன், துணைத் தலைவா் ந. முத்துக்குமாா், மாவட்ட விளையாட்டு அலுவலா் சு.ரமேஷ், வேளாண் உற்பத்தியாளா் கூட்டுறவு விற்பனை சங்கத்தலைவா் விசிகே.ஜெயராஜ, க.பரமத்தி ஊராட்சி ஒன்றியக்குழுத்தலைவா் மாா்கண்டேயன் உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com