கரூா்: கரூரில் சுதந்திர போராட்டத் தியாகி திருப்பூா் குமரன் சிலைக்கு ஞாயிற்றுக்கிழமை மாலை அணிவித்து மரியாதை செலுத்தப்பட்டது.
கொடி காத்த குமரன் என்று அழைக்கப்படும் சுதந்திர போராட்ட வீரா் திருப்பூா் குமரனின் 117-ஆம் ஆண்டு பிறந்த நாளையடுத்து, கரூரில் செங்குந்தா் இளைஞா் பேரவை சாா்பில் கரூா் நகர காவல் நிலையம் அருகே உள்ள குமரன் சிலைக்கு மாலை அணிவிக்கும் நிகழ்ச்சி ஞாயிற்றுக்கிழமை நடைபெற்றது. நிகழ்ச்சிக்கு, பேரவை மாவட்டச் செயலாளா் பேராசிரியா் மோகன் தலைமை வகித்தாா். பேரவை நிா்வாகிகள் ஓம்சக்தி சேகா், பாஸ்கா், வெங்கமேடு சக்திவேல் ஆகியோா் முன்னிலை வகித்தனா். இதில் சிறப்பு அழைப்பாளா்களாக பேரவை நிா்வாகிகள் செந்தில்குமாா், தமிழழகன், விஜய், குவாலிட்டி மகேஷ், புஷ்பராஜ் உள்ளிட்டோா் பங்கேற்று குமரன் சிலைக்கு மாலை அணிவித்து மரியாதை செலுத்தினா்.