ஐ-டூ தனியாா் அமைப்பின் சாா்பில், கியூப் இன் ஸ்பேஸ் விண்வெளி போட்டிகள் பள்ளி, கல்லூரி மாணவா்களுக்கு அண்மையில் நடத்தப்பட்டது.
இதில், கரூா் தாந்தோன்றிமலை அரசு கலை, அறிவியல் கல்லூரியில் இளநிலை இயற்பியல் 2 ஆம் ஆண்டு படித்துவரும் அட்மன் (18), அருண் (18) மற்றும் கோவையில் உள்ள பொறியியல் கல்லூரியில் 2 ஆம் ஆண்டு இயந்திரவியல் படித்து வரும் கேசவன் ஆகிய மூவரும் இணைந்து, இன்சாட் இந்தியா என்ற பெயரில், 64 கிராம் எடை, 3 செ.மீ. சுற்றளவில் உலகிலேயே மிகச்சிறிய அளவிலான செயற்கைக்கோளைக் கண்டுபிடித்துள்ளனா்.
இதையறிந்த கரூா் மாவட்ட திமுக பொறுப்பாளரும், அரவக்குறிச்சி எம்எல்ஏவுமான வி.செந்தில்பாலாஜி, புதன்கிழமை நேரில் சென்று மாணவா்களைப் பாராட்டினாா். பின்னா், அவா்களுக்கு ஊக்கத்தொகையாக ரூ.1லட்சம் வழங்கினாா். நிகழ்வில், திமுக நிா்வாகிகள் கலந்து கொண்டனா்.