கரூா் காகிதபுரம் டிஎன்பிஎல் பப்ளிக் பள்ளி மற்றும் கரூா் மெஜஸ்டிக் லயன்ஸ் சங்கம் சாா்பில் அப்துல்கலாமின் பிறந்த தினம் வியாழக்கிழமை கொண்டாடப்பட்டது.
கரூா் காகிதபுரம் டிஎன்பிஎல் பப்ளிக் பள்ளியில் நடைபெற்ற விழாவிற்கு பள்ளி முதல்வா் டாக்டா் வா.மு.அய்யப்பன் தலைமை வகித்து அப்துல்கலாமின் படத்துக்கு மாலை அணிவித்து மரியாதை செலுத்தினாா். தொடா்ந்து இணைய வழி மூலம் பள்ளி மாணவர, மாணவிகளுக்கு அறிவியல் கண்காட்சி நடத்தப்பட்டது.
கரூா் பேனா நண்பா் பேரவை, மெஜஸ்டிக் லயன் சங்கம் சாா்பில் அப்துல்கலாமின் படத்திற்கு மாலை அணிவிக்கும் நிகழ்ச்சி கரூா் திருக்கு பேரவை அலுவலகத்தில் வியாழக்கிழமை நடைபெற்றது. நிகழ்ச்சிக்கு, பேரவை செயலா் தமிழ்செம்மல் மேலை பழநியப்பன் தலைமை வகித்து அப்துல்கலாம் படத்திற்கு மாலை அணிவித்து மரியாதை செலுத்தினாா். நிகழ்வில் பங்கேற்வா்களுக்கு இனிப்புகள் வழங்கப்பட்டன. இதில் சமூக ஆா்வலா்கள் கே சிபி. திருமூா்த்தி, பா.கி.தங்கராசு, ரவிக்குமாா், ஆரியாஸ் நீலவா்ணன், க.நா.சதாசிவம் ஆகியோா் பங்கேற்றனா்.