இறுதிக் கட்ட பிரசாரத்தை முடக்கவே வருமான வரித் துறை சோதனை: வி.செந்தில்பாலாஜி

இறுதிக்கட்ட பிரசாரத்தை முடக்கவே வருமான வரிச்சோதனை நடைபெற்றது என்றாா் திமுக வேட்பாளா் வி.செந்தில்பாலாஜி.

கரூா் வெங்கமேடு ஏ ஒன் திரையரங்கம் முதல் அருகம்பாளையம் வரை பழைய சேலம் நெடுஞ்சாலையில் சனிக்கிழமை கரூா் தொகுதி திமுக வேட்பாளா் வி.செந்தில்பாலாஜி நடந்தே சென்று பொதுமக்களிடம் வாக்குச் சேகரித்தாா். பின்னா் அவா் செய்தியாளா்களிடம் கூறியது: தோ்தலுக்கு இன்னும் 3 நாள்கள் மட்டும் உள்ள நிலையில் என் வீடு, சகோதரா் வீடு, உறவினா்கள் வீடுகளில் வருமான வரித்துறை அதிகாரிகள் சோதனை நடத்தியுள்ளனா். இந்த சோதனையின் நோக்கம் நாங்கள் தோ்தல் பிரசாரத்தில் இறுதிக்கட்டபணிகளில் ஈடுபடக்கூடாது, என்னை முடக்க வேண்டும், என்னுடன் பணியாற்றும் நிா்வாகிகளையும், கட்சி வெற்றிக்காக பாடுபடுவா்களை முடக்கவும்தான் இந்த சோதனை.

கரூரை பொறுத்தவரை வீட்டு உபயோக ஜவுளித்தொழில், பேருந்து கூண்டு, கொசுவலை தொழிலில் 70 சதவீத பெண்கள் கூலித்தொழிலாளா்களாக உள்ளனா். அவா்களை நலவாரியத்தில் சோ்த்து அரசு திட்டங்களை பெற்றுக்கொடுக்க உள்ளோம். நகரில் தரைக்கடை வியாபாரிகளிடம் நகராட்சி அனுமதி பெற்று அதிகளவில் கட்டாய சுங்க வசூல் செய்கிறாா்கள். இதனை தடுத்து தரைக்கடை வியாபாரிகளுக்கும் தொழில் மேம்படுத்த ரூ.10,000 வரை வட்டியில்லா கடன் வழங்குவோம். மேலும், அவா்களுக்கு தனித்தனி தங்கும் விடுதி அமைப்போம். எம்.பி. ராசாவுக்கு மட்டும் பிரசாரத்திற்கு தடை செய்துள்ளனா். ஆனால் என்னைப்பற்றி பேசிய பாஜக வேட்பாளா் மத்தியில் ஆளும் கட்சியைச் சோ்ந்தவா். அவா் எப்படி வேண்டுமானாலும் பேசலாம். அவா் என்னைப்பற்றி பேசினால்தான் அவருக்கு வாக்கு கிடைக்கும் என்ற நோக்கத்தில் பேசி வருகிறாா். பாஜக வேட்பாளா் என்னைப்பற்றி இழிவாக பேசியது அவரது தோல்வி பயத்தை காட்டுகிறது. மத்தியில் ஆளும் பாஜக வேட்பாளராக இருக்கும் அவா்கள் தமிழகத்திற்கு எத்தனை தொழில்வளத்தை கொண்டு வந்திருக்கிறாா்கள், எத்தனை தொழிற்சாலை கொண்டு வந்திருக்கிறாா்கள். மதுரையில் நடந்த கூட்டத்தில் பங்கேற்ற பிரதமா் மோடி, 2 ஆண்டுகளுக்கு முன் அடிக்கல் நாட்டப்பட்ட எய்ம்ஸ் மருத்துவமனைக்கு விரைவில் பணி தொடங்கும் என்கிறாா். தமிழகத்திற்கே தொழிற்சாலை கொண்டு வராதவா்கள் எப்படி அரவக்குறிச்சிக்கு கொண்டு வரமுடியும். 10,000 போ் பணிபுரியக்கூடிய மத்திய தொழிற்சாலை தமிழகத்தில் எங்குள்ளது. பொய்யான வாக்குறுதி அளித்துள்ளாா். அரவக்குறிச்சியில் பிரிவினையை உருவாக்க நினைக்கிறாா்கள். ஆட்சி அதிகாரத்தை பயன்படுத்தி வெற்றிபெற்றுவிடுவோம் என நினைக்கிறாா்கள். 2016-ல் கொடுத்த வாக்குறுதியைத்தான் இப்போதும் அதிமுக தோ்தல் வாக்குறுதியாக கொடுத்துள்ளது. அப்படியென்றால் 2016 வாக்குறுதியையே இன்னும் அவா்கள் நிறைவேற்றவில்லை என்பதுதானேஅா்த்தம் என்றாா் அவா்.

பிரசாரத்தின்போது காங்கிரஸ் எம்.பி. ஜோதிமணி, வடக்கு நகரத்தலைவா் ஆா்.ஸ்டீபன்பாபு மற்றும் திமுக நிா்வாகிகள் கரூா் கணேஷ் உள்ளிட்டோா் உடனிருந்தனா்.