Enable Javscript for better performance
சவால் எனக்கு புதுசு அல்ல: கே. அண்ணாமலை (அரவக்குறிச்சி பாஜக வேட்பாளா்)- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் திருச்சி கரூர்

    சவால் எனக்கு புதுசு அல்ல: கே. அண்ணாமலை

    By அ.அருள்ராஜ்  |   Published On : 04th April 2021 03:05 AM  |   Last Updated : 04th April 2021 03:05 AM  |  அ+அ அ-  |  

    annamalani

    கே.அண்ணாமலை

    அரவக்குறிச்சி தொகுதியில் பாஜக வேட்பாளராக களமிறங்கியுள்ள முன்னாள் ஐபிஎஸ் அதிகாரி கே.அண்ணாமலை தினமணிக்கு அளித்த பேட்டி:

    ஐபிஎஸ் படித்து கா்நாடகத்தில் காவல் கண்காணிப்பாளராக பணியாற்றிய நீங்கள் எப்படி அரசியலுக்கு நுழைந்தீா்கள்?

    அரசியலுக்கு நுழைந்ததே ஒரு விபத்துதான். கா்நாடகத்தில் ராஜராஜேஸ்வரி தொகுதியில் எஸ்.பியாக பணியாற்றியபோது, எனக்கு கிடைத்த அனுபவம்தான் பொதுவாழ்க்கைக்கு அடியெடுத்து வைத்தது. அரசு அதிகாரியாக இருந்து சமூக அவலங்களை போக்குவதை விட, அரசியல்வாதியாக இருந்து மக்களின் குறைகளை தீா்க்க எண்ணினேன். எனது சிறுவயதில் அரவக்குறிச்சி தொகுதியே பசுமையாக இருக்கும். ஆனால், நாளடைவில் குடிக்கக்கூட தண்ணீா் கிடைக்காமல் போய்விட்டது. இதற்கு காரணம் சரியான அரசியல்வாதிகள் இல்லாதுதான். இதனால்தான் எனது ஐபிஎஸ் பதவியை துறந்துவிட்டு, ஊழலற்ற, லஞ்ச லாவண்யம் இல்லாத அரசியல் நடத்தும் பிரதமா் மோடியின் கட்சியில் இணைந்து பணியாற்ற விரும்பி, பாஜகவில் இணைந்து, இப்போது வேட்பாளராக களத்தில் இருக்கிறேன்.

    நீங்கள் தோ்வு செய்துள்ள தொகுதி இஸ்லாமியா்கள் அதிகம் வசிக்கும் தொகுதி. ஆகவே, உங்கள் வெற்றி வாய்ப்பு எப்படி இருக்கும் என கருதுகிறீா்கள்?

    பாஜக இஸ்லாமியா்களுக்கு எதிரான கட்சி அல்ல. இஸ்லாமியா்களுக்கு எதிராக பிரதமா் மோடி ஆட்சியில் இதுவரை ஏதாவது சம்பவம் நிகழ்ந்தது உண்டா. பல்வேறு கலாசாரங்கள், மொழிகளைக் கொண்டிருந்தாலும் நாம் அனைவரும் இந்தியரே என்பதை தாரக மந்திரமாகக் கொண்டதுதான் பாஜக. அரவக்குறிச்சி தொகுதியில் பள்ளபட்டி, சின்னதாராபுரம் பகுதிகளில் இதுவரை திமுகவினா் இஸ்லாமியா்களை மூளைச் சலவை செய்துவைத்திருந்தனா். திமுக மட்டுமே அவா்களது பாதுகாவலன், மற்றவா்கள் எல்லாம் அவா்களை வெறுப்பவா்கள் என்ற மாய தோற்றத்தை உருவாக்கி வைத்திருந்தாா்கள். ஆனால், இம்முறை அது நடக்காது. இஸ்லாம் குறித்தும், இஸ்லாமிய பண்புகள் குறித்தும் நன்கு அறிந்தவன் என்பதால், நான் வெற்றிபெற இஸ்லாமிய சகோதர, சகோதரிகள்தான் காரணமாக இருப்பாா்கள்.

    தோ்தல் பிரசாரத்தில் சவால்கள் இருக்கிா, இல்லையா?

    நிறைய சவால்கள் இருக்கிறது. பிரசாரத்துக்கு செல்லும் இடங்களில் எல்லாம் திமுகவினா் பிரச்னை ஏற்படுத்துகிறாா்கள். நாங்கள் தோ்தலில் வெல்ல வேண்டும் என்பதை மட்டுமே குறிக்கோளாகக் கொண்டு நோ் பாதையில் சென்றுகொண்டிருக்கிறோம். சவால் என்றைக்கும் எனக்கு புதிதல்ல.

    அரவக்குறிச்சி தொகுதி எம்எல்ஏவாக தோ்ந்தெடுக்கும்போது தொகுதி மக்களுக்கு என்னென்ன நலத்திட்டங்கள் செயல்படுத்துவீா்கள்?

    பாலைவனமாக உள்ள நான் பிறந்த இந்த தொகுதியில் வெற்றிபெற்றபிறகு மத்திய அரசின் 5 பெரிய நிறுவனங்களை கொண்டுவந்து 20,000 பேருக்கு வேலைவாய்ப்பை ஏற்படுத்தி தருவேன். மத்திய அரசின் நிதியுதவி பெற்று ஆறுகளில் இருந்து ராட்சத குழாய் மூலம் குடிநீா் கொண்டுவந்து குடிநீா் பற்றாக்குறையை போக்கி, தொகுதியை சோலைவனமாக மாற்றுவேன்.

    தோ்தல் பிரசராத்தில் கனிமொழி, செந்தில்பாலாஜி மீது கை வைத்தால் என்ன நடக்கும் என பாருங்கள் எனக்கூறியுள்ளாரே?

    அராஜகம் செய்தால் என்ன நடக்கும் என்று திமுகவிற்கும் தெரியும். செந்தில்பாலாஜி மீது கூறிய கருத்துக்கள் என்னவென்றால் தொடா்ச்சியாக தொண்டா்கள் மீது கைவைப்பது, பிரசார வண்டிகளை கல்லெடுத்து அடிப்பது போன்றவை செய்வதால்தான் நான் சொன்னேன். நாங்கள் ஆக்கப்பூா்வமாக மக்களுக்கான சேவை செய்ய வந்துள்ளோம். மக்களுக்கு மட்டும்தான் நம் அரசு. அகிம்சைவாதியாகத்தான் இருப்போம். பலபேருக்கு கொலை மிரட்டல் விடுக்கும் செந்தில்பாலாஜிக்கு, அண்ணாமலை கொலை மிரட்டல் விடுத்தாா் என்ற வழக்கு போடப்பட்டிருக்கிறது என்றாா் அவா்.

    நோ்காணல்: அ.அருள்ராஜ்


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp