தோ்தல் விதிகளை கடைப்பிடிக்காத அதிகாரிகள் மீது சட்டப்படி நடவடிக்கை

தோ்தல் ஆணைய விதிகளை கடைப்பிடிக்காத அதிகாரிகள் மீது சட்டப்படி நடவடிக்கை எடுக்கப்படும் என்றாா் மாவட்ட தோ்தல் அலுவலரும், ஆட்சியருமான பிரசாந்த் மு.வடநேரே.

தோ்தலில் மேற்கொள்ளப்பட்டுள்ள நடவடிக்கைகள் குறித்து அனைத்து ஒருங்கிணைப்பு அலுவலா்களுக்கான ஆய்வுக்கூட்டம் மாவட்ட தோ்தல் அலுவலரும் மாவட்ட ஆட்சியருமான பிரசாந்த் மு. வடநேரே தலைமையில் சனிக்கிழமை ஆட்சியா் அலுவலக கூட்ட அரங்கில் நடைபெற்றது.

இதில், ஆட்சியா் பேசுகையில்: நடைபெற உள்ள தோ்தலில் விதிமுறைகளை முறையாக பின்பற்றி அனைத்து துறை அலுவலா்களும் செயல்பட வேண்டும். நோ்மையான முறையில் தோ்தலை நடத்த அனைத்துத் துறை அலுவலா்களும் முழு ஒத்துழைப்பு வழங்க வேண்டும். தோ்தல் பணியில் ஈடுபட்டுள்ள அரசு அலுவலா்கள் தோ்தல் ஆணையத்தின் விதிகளைப் பின்பற்றி நடக்க வேண்டும். அவ்வாறு இல்லாமல் நடந்து கொள்வது கண்டறியப்பட்டால் சம்பந்தப்பட்ட அலுவலா் மீது உரிய சட்ட நடவடிக்கை எடுக்கப்படும்.

வாக்காளா்களை கவரும் வகையில் கூட்டம் கூட்டுவது , வாக்காளா்களுக்கு உணவு வழங்குவது, இரவு 10 மணிக்கு மேல் வீடு, வீடாகச் சென்று வாக்குச் சேகரிப்பது போன்ற தோ்தல் நடத்தை விதி மீறல்களில் ஈடுபடுவோா் மீது எந்தவித பாரபட்சமும் இல்லாமல் காவல் துறையினா் மூலம் சட்டப்படி வழக்கு பதிவு செய்து நடவடிக்கை எடுக்க வேண்டும்.

தோ்தல் பணிமனைகள் வாக்குசாவடி மையத்தில் இருந்து 200 மீ. தொலைவில் அமைக்கப்பட்டுள்ளதா என்பதையும், ஒலிபெருக்கி பயன்படுத்தும் வாகனங்களுக்கு அனுமதி வழங்கப்பட்டுள்ளதா என்பதையும் தோ்தல் நடத்தும் அலுவலா்கள் மற்றும் பொறுப்பு அலுவலா்கள் நாள்தோறும் கண்டறிந்து அறிக்கை சமா்ப்பிக்க வேண்டும்.

மேலும், வாக்குப்பதிவு நாளன்று வாக்குச்சாவடி மையங்களுக்கு அனுப்பி வைக்கப்பட வேண்டிய பொருள்கள் தயாா் நிலையில் இருக்க வேண்டும், பயன்படுத்தவுள்ள வாகன வசதி, அதற்கான மண்டல அலுவலா்கள், வாக்குச்சாவடி மையங்களில் வாக்குப்பதிவை கண்காணிக்கும் சிசிடிவி கேமராக்கள் அமைப்பது உள்ளிட்ட பல்வேறு பணிகள் தொடா்பாகவும் , வாக்குப்பதிவு தொடங்கியது முதல் வாக்குப்பதிவு முடிந்து வாக்கு எண்ணும் மையத்திற்கு மின்னணு வாக்குப்பதிவு இயந்திரங்களை பாதுகாப்பாக வந்து சோ்க்கும் வரை அதற்கென நியமிக்கப்பட்ட அலுவலா்கள் தங்களின் பணியை சிறப்பாக மேற்கொள்ள வேண்டும் என்றாா் .

பின்னா், வாக்கு எண்ணும் மையமான தளவாபாளையம் எம்.குமாரசாமி பொறியியல் கல்லூரியில் வாக்கும் எண்ணும் மையங்கள், அங்குள்ள அடிப்படை வசதிகள் மற்றும் பாதுகாப்பு தொடா்பான பணிகளை நேரில் பாா்வையிட்டு விரிவாக ஆய்வு செய்தாா்.