தமிழ் மொழிக்காகவும், திருக்குறளுக்காகவும் வாழ்வை அா்ப்பணித்தவா் இளங்குமரனாா்

தமிழ் மொழிக்காகவும், திருக்குறளுக்காவும் தனது வாழ்வை அா்ப்பணித்தவா் இளங்குமரனாா் என்றனா் உலகத் திருக்கு கூட்டமைப்பினா்.

கரூரில் மாவட்ட உலகத் திருக்கு கூட்டமைப்பு சாா்பில் திருக்கு செம்மல் இராமு. இளங்குமரனாா் திருஉருவப் படத்திறப்பு விழா சனிக்கிழமை வள்ளுவா் ஓட்டலில் நடைபெற்றது. விழாவுக்கு கூட்டமைப்பின் மதிப்புறுத்தலைவா் ப.தங்கராசு தலைமை வகித்தாா். சிறப்புத்தலைவரும், கரூா் வள்ளுவா் கல்லூரியின் தாளாளருமான க.செங்குட்டுவன், புலவா் ரமேசு உள்ளிட்டோா் முன்னிலை வகித்தனா். உலகத்திருக்கு கூட்டமைப்பின் தலைவா் இராம.கோவிந்தன் வரவேற்றாா்.

நிகழ்வில் திரைப்பட இயக்குநா்கள் வெ.சேகா், கெளதமன் மற்றும் குளித்தலை தமிழ்பேரவைத் தலைவா் கடவூா் மணிமாறன், திருக்கு பேரவைச் செயலா் மேலை.பழநியப்பன், கூட்டமைப்பின் செயலா் எழில்வாணன், திருக்கு அறக்கட்டளையின் ஆா்த்தி ரமேஷ் உள்ளிட்டோா் பங்கேற்று பேசுகையில், தமிழ் மொழிக்காகவும், திருக்குறளுக்காகவும் தனது வாழ்வை அா்ப்பணித்தவா் இளங்குமரனாா். 4,664 திருமணங்களை தமிழ் வழியில் நடத்தி வைத்து தமிழுக்காக உழைத்தவா். 500-க்கும் மேற்பட்ட நூல்களை எழுதி தமிழுக்காக சேவையாற்றிய அவருக்கு அடுத்தாண்டில் தகைசால் விருது வழங்க வேண்டும். அவருக்கு அரசு இடத்தில் அருங்காட்சியகம் அமைத்து அவா் எழுதிய நூல்கள், பயன்படுத்திய பொருள்களை கண்காட்சியாக வைத்தால் இளைய தலைமுறையினருக்கு மிகுந்த வழிகாட்டியாக இருக்க வேண்டும். தனது வாழ்நாள் முழுவதும் தமிழை சுவாசித்தவா். அவா் ஆசிரியராக தனது வாழ்வை தொடங்கினாலும், பகுப்பாசிரியராக, தொகுப்பாசிரியராக ஒட்டுமொத்த சமுதாயத்திற்காக வாழ்ந்து காட்டியவா் என்றனா் அவா்கள்.

நிகழ்வில், கூட்டமைப்பின் தமிழ்ராசேந்திரன், புலவா் குறளகன் உள்ளிட்ட தமிழறிஞா்கள் திரளாக பங்கேற்றனா். கூட்டமைப்பு நிா்வாகி இரா.நாகேந்திரகிருஷ்ணன் நன்றி கூறினாா்.