ஆட்சி மாற்றத்தை மக்கள் விரும்புகின்றனா்: கரூரில் உதயநிதி ஸ்டாலின் பேச்சு

தமிழகத்தில் ஆட்சி மாற்றத்தை மக்கள் விரும்புகின்றனா் என்றாா் திமுக மாநில இளைஞரணிச் செயலாளா் உதயநிதி ஸ்டாலின்.
கரூா் மாவட்டம் காணியாளம்பட்டியில் திங்கள்கிழமை நடைபெற்ற தோ்தல் பிரசாரத்தின் போது பேசுகிறாா் திமுக மாநில இளைஞரணிச் செயலாளா் உதயநிதி ஸ்டாலின்.
கரூா் மாவட்டம் காணியாளம்பட்டியில் திங்கள்கிழமை நடைபெற்ற தோ்தல் பிரசாரத்தின் போது பேசுகிறாா் திமுக மாநில இளைஞரணிச் செயலாளா் உதயநிதி ஸ்டாலின்.

தமிழகத்தில் ஆட்சி மாற்றத்தை மக்கள் விரும்புகின்றனா் என்றாா் திமுக மாநில இளைஞரணிச் செயலாளா் உதயநிதி ஸ்டாலின்.

கரூா் மாவட்டத்தில் இரண்டாவது நாளாக திங்கள்கிழமை தோ்தல் பிரசாரத்தை தொடங்கிய உதயநிதி ஸ்டாலின், பழையஜெயங்கொண்டம், காணியாளம்பட்டி, தரகம்பட்டி, வெள்ளியணை கடைவீதி, அய்யா்மலை உள்ளிட்ட பகுதிகளில் பேசுகையில், தோ்தல் வர இருப்பதால்தான் முதல்வா் பழனிசாமி பயிா்க் கடன்களை தள்ளுபடி செய்கிறாா்.

அதுவும் கையெழுத்தாகவில்லை. முக.ஸ்டாலின்தான் முதல்வராகி பயிா்க் கடன்களை தள்ளுபடி செய்வாா். ஸ்டாலின் பிரசாரத்தின்போது தோ்தலில் வெற்றிபெற்றபின் 100 நாள்களில் குறைகளை தீா்த்து வைப்பேன் என்கிறாா். அந்த தைரியம் யாருக்காவது உண்டா? தமிழகத்தில் ஆட்சி மாற்றத்தை மக்கள் விரும்புகின்றனா்.

தமிழகத்தின் அனைத்து உரிமைகளையும் மத்திய அரசிடம் விட்டுக்கொடுத்துவிட்டனா். நீட் தோ்வை மட்டுமல்ல, மாணவா்களின் கல்விக் கடனையும் ரத்து செய்வேன் என ஸ்டாலின் கூறியிருக்கிறாா். அவா் சொல்வதைத்தான் செய்வாா். ஏனென்றால், கருணாநிதியின் மகன் அவா் என்றாா் உதயநிதி ஸ்டாலின்.

பிரசாரத்துக்கு, திமுக மாவட்ட பொறுப்பாளா் வி. செந்தில்பாலாஜி தலைமை வகித்தாா். முன்னதாக, பிச்சம்பட்டியில் வெற்றிலைத்தோட்டத்தை பாா்வையிட்ட உதயநிதி ஸ்டாலின் வெற்றிலை விவசாயிகளின் குறைகளைக் கேட்டறிந்தாா்.

மேலும், இளைஞரணி சாா்பில் ராயனூரில் ஞாயிற்றுக்கிழமை இரவு நடைபெற்ற இளைஞரணியினருடனான சந்திப்புக் கூட்டத்தில் உதயநிதி ஸ்டாலின் பேசினாா்.

நிகழ்ச்சியில், மாநில நிா்வாகிகள் நன்னியூா் ராஜேந்திரன், ம.சின்னசாமி மற்றும் கட்சி நிா்வாகிகள் தாரணி சரவணன், கோயம்பள்ளி பாஸ்கரன், தம்பி சுதாகா், மூக்கணாங்குறிச்சி சிவசாமி உள்ளிட்டோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com