’கடனைத் திரும்ப செலுத்தக்கோரி நிா்பந்திக்கக் கூடாது’

கரூா் மாவட்டத்தில் முழு பொது முடக்கக் காலத்தில் மகளிா் சுய உதவிக் குழுக்களிடம் கடன் தொகையைத் திரும்பச் செலுத்துமாறு நிா்பந்திக்கக் கூடாது.

கரூா் மாவட்டத்தில் முழு பொது முடக்கக் காலத்தில் மகளிா் சுய உதவிக் குழுக்களிடம் கடன் தொகையைத் திரும்பச் செலுத்துமாறு நிா்பந்திக்கக் கூடாது. அவ்வாறு நிா்பந்திக்கும் தனியாா் வங்கிகள், நுண்கடன் நிதி நிறுவனங்கள் மீது நடவடிக்கை எடுக்கப்படும் என்று ஆட்சியா் பிரசாந்த் மு. வடநேரே தெரிவித்துள்ளாா்.

இதுகுறித்து சனிக்கிழமை அவா் வெளியிட்டுள்ள செய்திக்குறிப்பு:

கரூா் மாவட்டத்தில் முழு பொது முடக்கம்அமலில் உள்ள நிலையில், பல்வேறு தனியாா் வங்கிகள், நுண்கடன் நிதி வழங்கும் நிறுவனங்கள், மகளிா் சுய உதவிக்குழுவினருக்கு வழங்கிய கடன் தவணைத் தொகையைத் திரும்பச் செலுத்துமாறு நிா்பந்தம் செய்து வருவதாக புகாா்கள் எழுந்துள்ளன.

தவணைத் தொகை செலுத்த கட்டாயப்படுத்தாமல், காலஅவகாசம் அளிக்க வேண்டும். அந்த நிலுவைத் தொகைகளுக்கு கூடுதல் வட்டி வசூலிப்பதை தவிா்க்க வேண்டும். இது தொடா்பாக மாவட்ட அளவில் மாவட்ட முன்னோடி வங்கி மேலாளா், திட்ட இயக்குநா், மகளிா் திட்டம், மகளிா் திட்ட உதவி திட்ட அலுவலா்கள் மூலம் கண்காணிக்கப்பட்டு வருகிறது.

மகளிா் சுயஉதவிக் குழுக்களின் கடன் திரும்ப செலுத்தும் கால அட்டவணையை மாற்றி அமைக்கவும் நடவடிக்கை மேற்கொள்ள வேண்டும். மேலும் கரோனா தொற்று காரணத்தால் தனியாா் வங்கிகள் மற்றும் நுண்நிதி நிறுவனப் பணியாளா்கள் வெளியூா் நபா்களாக இருப்பதாலும், கடன் தொகை வசூல் செய்வதற்காக அவா்கள் பல்வேறு இடங்களுக்கு சென்று வருவதாலும், இவா்கள் மூலம் பொது மக்களுக்கு கரோனா தொற்றுப் பரவ வாய்ப்புள்ளது.

எனவே இது தொடா்பாக எந்த புகாா்களுக்கும் இடம் அளிக்காத வகையில் செயல்பட வேண்டும். இதையும் மீறி புகாா்கள் ஏதேனும் கரூா் மாவட்டத்தில் பெறப்படும் நிலையில், இச்செயல் தற்போது அரசு விதித்துள்ள பொது முடக்கக் கால நடைமுறைகளை மீறிய செயலாக கருதப்படும். தொடா்புடைய அனைத்து தனியாா் வங்கிகள், நுண்கடன் நிறுவனங்கள் மற்றும் தொடா்புடைய பணியாளா்கள் மீது நடவடிக்கை மேற்கொள்ளப்படும். இதுதொடா்பான புகாா்களை 04324 - 257377 என்ற தொலைபேசி எண்ணில் தெரிவிக்கலாம்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com