அரவக்குறிச்சி தொகுதியில் நீா் மேலாண்மையை உயா்த்த பாடுபடுவோம்: அண்ணாமலை

கரூா் மாவட்டம், அரவக்குறிச்சி சட்டப்பேரவைத் தொகுதியில் நீா் மேலாண்மையை உயா்த்த பாடுபடுவோம் என்றாா் இத்தொகுதியின் பாஜக வேட்பாளா் கே. அண்ணாமலை.

க.பரமத்தி ஒன்றியத்துக்குள்பட்ட குளத்துப்பாளையம், முத்துச்சோளிப்பாளையம், அண்ணாநகா், சின்ன, பெரியதாதம்பாளையம், பவித்திரம்மேடு, குட்டக்கடை, புன்னம், நடுப்பாளையம், மேலப்பாளையம், சத்திரம், குப்பம் உள்ளிட்ட பகுதிகளில் ஞாயிற்றுக்கிழமை வாக்கு சேகரித்து, மேலும் அவா் பேசியது:

அரவக்குறிச்சி தொகுதியில் நான் வெற்றிபெற்றால் பிரதமா் மோடியிடம் நேரடியாக பேசி, இத்தொகுதியில் சுமாா் 20,000 போ் வேலைவாய்ப்பு பெறும் வகையில் 5 மத்திய நிறுவனங்களை இங்கு கொண்டு வந்து சோ்ப்பேன். அதில் படித்த இளைஞா்கள், மகளிா்கள் அனைவருக்கும் வேலை கிடைக்கும்.

அரவக்குறிச்சி தொகுதியைக் கடந்த 10 ஆண்டுகளாக வறட்சிப் பகுதியாக அரசு அறிவித்துள்ளது. ஆடு, மாடுகளுக்குத் தண்ணீா் கிடைப்பதில்லை. நீா் பிரச்னையைத் தீா்க்க மத்திய அரசிடம் சிறப்பு நிதி பெற்று, நீா் மேலாண்மையை உயா்த்த பாடுபடுவோம்.

மீண்டும் முதல்வராக எடப்பாடி கே.பழனிசாமி ஆட்சிக்கட்டிலில் அமா்வாா். எப்போதும் போல நலத் திட்டங்கள் தொடா்ந்து கிடைக்கும். ஒரு பக்கம் மாநில அரசும், மறுபக்கம் மத்திய அரசும் பல்வேறு திட்டங்களை கொண்டுவர உள்ளது.

எந்த நேரத்திலும் பொய் சொல்லாதவரை அரவக்குறிச்சி சட்டப்பேரவை உறுப்பினராகத் தோ்ந்தெடுங்கள். உள்ளூரில் இருக்கும் சிறிய பிரச்னைகளையும் தீா்த்துக் கொடுப்பேன். தொகுதியில் மண்வளத்தையும், நீா்வளத்தையும் மேம்படுத்துவேன் என்றாா் அவா்.

பிரசாரத்தின்போது அதிமுக ஒன்றியச் செயலா் மாா்கண்டேயன், பாஜக நிா்வாகி வி.வி.செந்தில்நாதன், மாவட்டத்தலைவா் சிவசாமி உள்ளிட்டோா் உடனிருந்தனா்.