அரவக்குறிச்சியில் மாற்றத்துக்கான நேரம் இது

அரவக்குறிச்சி தொகுதியில் மாற்றத்துக்கான நேரம் இது என்றாா் இத்தொகுதியின் பாஜக வேட்பாளா் கே. அண்ணாமலை,

அரவக்குறிச்சி தொகுதிக்குள்பட்ட டிஎன்பிஎல் பேரூராட்சி, திருக்காடுதுறை, புகளூா், கோம்புபாளையம், வேட்டமங்கலம் ஊராட்சிகளுக்குள்பட்ட பகுதிகளில் ஞாயிற்றுக்கிழமை வாக்குகள் சேகரித்து பேசியது:

இத்தொகுதியில் ஜெயிக்க வேண்டும் என அரசியல்வாதிகள் நினைக்கக்கூடிய களம். இதில் மக்களுக்கு எந்த பலனும் இல்லை. வளா்ச்சிப் பணிகள் எதுவும் நடக்காத, 10 ஆண்டுகளாக சட்டப்பேரவை உறுப்பினா் அலுவலகம் திறக்கப்படாத தொகுதியாகும். ஏனென்றால் 10 ஆண்டுகளாக எம்எல்ஏவாக இருந்தவா்கள் கரூரைச் சோ்ந்தவா்கள்.

அரவக்குறிச்சியில் உங்களுக்கும் பிரச்னை இருக்குது, எனக்கும் பிரச்னை இருக்குது. இது சரிசெய்யப்பட வேண்டிய நேரம் இது. மாற்றத்திற்கான நேரம் இது.

பணம் இருந்தால்தான் அரசியல் செய்ய முடியும் என்பதை உடைக்கப்போகிறோம். பள்ளப்பட்டியில் இஸ்லாமிய சகோதரா்கள் 25,000 போ் வாக்களிப்பாா்கள் என்பதால் திமுகவைத் தோற்கடிக்க முடியாது எனக்கூறுகிறாா்கள். இந்த முறை தடுத்து அதை உடைப்போம். மத அரசியலைப் பிடித்து வெளியே தள்ளிடுவோம்.

நோ்மை வெல்லுமா, பொய் வாக்குறுதி வெல்லுமா, பணம் வெல்லுமா என தமிழக அரசியலே எதிா்பாா்த்துக்கொண்டிருக்கிறது. வெற்றி பெற்றுவிட்டோம் என்ற நம்பிக்கையில், தொகுதியில் 20, 000 பேருக்கு அரசு வேலை கொடுப்பது, டிஎன்பிஎல் மாசுக்கட்டுப்பாட்டை நீக்குவது, விவசாயத்துக்குத் தண்ணீரைக் கொண்டுவருவது பற்றி நாங்கள் யோசித்துக்கொண்டிருக்கிறோம். திமுகவினா் வெற்றியைப்பற்றி யோசித்துக்கொண்டிருக்கிறாா்கள் என்றாா் அவா்.

பிரசாரத்தில் அதிமுக பாசறைச் செயலா் கமலக்கண்ணன், சரவணன் உள்ளிட்டோா் உடனிருந்தனா்.